රුසියානු සමාගම්වල දැන්වීම් අන්තර්ජාලය තුළ ප්‍රචාරණය තහනම් කර ඇති අතර රුසියානු සමාගම් යූ ටියුබ් ජාලයට උඩුගත කර ඇති වීඩියෝ සඳහා නැරඹුම් වාරයකට ගෙවන මුදලද ගූගල් සමාගම විසින් අත්හිටුවා ඇත.
එසේම Google සමාගම විසින් යුක්ක්‍රේනයේ සජීවී චන්ද්‍රිකා දර්ශන ලබාදීම තාවකාලික අත්හිටුවා තිබෙනවා.
රුසියානු ආරක්ෂක අංශ විසින් චන්ද්‍රිකා ඡායාරුප ඔස්සේ ප්‍රහාර එල්ල කිරීමේ ක්‍රියාවලිය නැවැත්වීමේ අරමුණෙන් මෙම තීරණය ගෙන තිබෙන බවයි විදෙස් මාධ්‍ය වාර්තා කළේ.
පසුගිය සෙනසුරාදා දින ප්‍රකාශයක් නිකුත් කරමින් ගූගල් යුරෝප් පැවසුවේ යුක්රේනයේ සිදුවන යුද ගැටුම් හේතුවෙන් රුසියාවට මෙම ගූගල් සේවා තහනම පැනවූ බවත් ගූගල් සමාගමට අනුබද්ධිත සියලුම සේවා සඳහා මෙම තහනම ක්‍රියාත්මක වන බවත්ය.
රුසියන් ටුඩේ යනු යූ ටියුබ් ජාලයේ විශාල පරිශීලකයන් පිරිසක් සිටින නාලිකාවක් වන අතර මෙම තහනම ඔවුන්ට විශාල පාඩුවක් යැයි විශ්ලේෂකයෝ පවසති.
ගූගල් යුරෝප් පැවසුවේ යුක්රේනයේ තත්ත්වය පිළිබඳව නිරන්තර අවධානයෙන් සිටින අතර එහි ඇතිවන තත්ත්වය මත තහනම වැඩි කිරීමට හෝ අඩු කිරීමට තීරණය කරන බවයි.
