උප්පැන්න, විවාහ සහ මරණ, සහතික පිටපත් මාස හයකට පසු අවලංගු නොවන බව රෙජිස්ට්‍රාර් ජනරාල් දෙපාර්තමේන්තුව අවධාරණය කරනවා.
මාස හයකට පමණක් වලංගු වන පරිදි මෙතෙක් පැවති රෙගුලාසි මේ වන විට ඉවත් කර ඇති බවයි එම දෙපාර්තමේන්තුව පවසා සිටින්නේ.
රෙජිස්ට්‍රාර් ජනරාල් දෙපාර්තමේන්තුව පවසා සිටියේ, මේ සම්බන්ධයෙන් අධ්‍යාපන, විදේශ කටයුතු යන අමාත්‍යාංශවලටත්, ආගමන විගමන හා පුද්ගලයන් ලියාපදිංචි කිරීමේ දෙපාර්තමේන්තුවලටත් දැනුම්දී ඇති බවයි.
ඒ අනුව අදාළ රාජ්‍ය ආයතනවලින් සේවා ලබාගැනීමට උප්පැන්න, විවාහ සහ මරණ සහතික ඉදිරිපත් කිරීමේදී මාස හය ඉක්මවූ පිටපත් වලංගු පිටපත් ලෙස පිළිගනු ඇති බව එම දෙපාර්තමේන්තුව වැඩිදුරටත් සඳහන් කළා.
