ඉන්දියාව සහ චීනය අතර දේශසීමා සාකච්ඡා “නවත්වා” නොමැති අතර දෙරටම “පසුගිය වසර තුන තුළ ප්‍රධාන ආතති කරුණු සම්බන්ධයෙන් ප්‍රගතියක් ලබා ඇති” බව ඉන්දීය විදේශ කටයුතු අමාත්‍ය එස් ජයශංකර් පැවසීය.
මාධ්‍යවේදීන් සමඟ පැවති සාකච්ඡාවකදී විදේශ අමාත්‍යවරයා කියා සිටියේ පසුගිය වසර තුනක කාලය තුළ දෙරට අතර පවතින ප්‍රධාන ආතති සහගත කරුණු සම්බන්ධයෙන් ප්‍රගතියක් ඇති වී ඇති බවයි.
දේශසීමා පිළිබඳ තවත් සාකච්ඡාවක් ළඟදීම පැවැත්වෙන බවද ඔහු වැඩිදුරටත් දන්වා සිටියේය.
ඉන්දියාව සහ චීනය නැවත නැවතත් දේශසීමා ආරවුල්වලට මුහුණ දී ඇති අතර ඒවා 1962 දක්වා ඈතට දිවයයි.
දේශසීමා කලාපවල ගැටලු විසඳීම සඳහා දෙරටේම හමුදා මට්ටමේ සාකච්ඡා වට කිහිපයක් පවත්වා තිබේ.
පසුගිය වසර නවය පුරාවට අගමැති නරේන්ද්‍ර මෝදිගේ නායකත්වයෙන් යුත් රජය “උතුරු දේශසීමාවේ ප්‍රදේශ ඇතුළුව දේශසීමා යටිතල පහසුකම් සැලකිය යුතු ලෙස වැඩි දියුණු කර ඇති” බව ජයශංකර් පැවසීය.
ඇසෑම් සමඟ දුම්රිය සම්බන්ධතාවයක් සඳහා ඉන්දියාව භූතානය සමඟ සාකච්ඡා කරමින් සිටින බව විදේශ අමාත්‍යවරයා පැවසීය.
