වත්මන් නිෂ්පාදන ක්ෂේත්‍රයේ ඉදිරිගාමීන් වන චීනයට සහ වියට්නාමයට වඩා ලාභම නිෂ්පාදන පිරිවැය සහිත රට ලෙස ඉන්දියාව ශ්‍රේණිගත කර තිබේ.
එක්සත් ජනපද වාර්තාවකට අනුව, රටවල් 85 කින්, ඉන්දියාව සමස්ත හොඳම රටවල් ශ්‍රේණිගත කිරීම්වල 31 වන ස්ථානය ලබා ඇත.
ව්‍යාපාර සඳහා විවෘත කාණ්ඩයේ ඉන්දියාව 37 වැනි ස්ථානයේ පසුවේ.
වාර්තාව ගුණාංග 73ක් හරහා රටවල් 85ක් ඇගයීමට ලක් කර ඇති අතර කඩිසරකම, ව්‍යවසායකත්වය, ව්‍යාපාර සඳහා විවෘත භාවය , සමාජ අරමුණ සහ ජීවන තත්ත්වය ඇතුළු උප-කාණ්ඩ 10කට ගුණාංග කාණ්ඩ කර තිබේ.
ව්‍යාපාර සඳහා විවෘත උප කාණ්ඩය යටතේ, ලාභ නිෂ්පාදන පිරිවැය සම්බන්ධයෙන් ඉන්දියාව සියයට 100ක් ලබාගෙන ඇත.
ඉන්දියාව ගෝලීය නිෂ්පාදන කේන්ද්‍රස්ථානයක් බවට පත් කිරීමේ අරමුණින් නිෂ්පාදන සම්බන්ධ දිරිගැන්වීමේ යෝජනා ක්‍රම ක්‍රියාත්මක කිරීම සහ අනුකූලතා බර අඩු කිරීම වැනි පියවර එරට රජය විසින් ගෙන තිබේ.
සමස්ත හොඳම රටවල් ශ්‍රේණිගත කිරීම්වල, ස්විට්සර්ලන්තය ප්‍රථම ස්ථානයට පත්ව ඇති අතර, ජර්මනිය, කැනඩාව, එක්සත් ජනපදය සහ ස්වීඩනය යන රටවල් දෙවන ස්ථානයට පත්ව ඇත.
