කාසල් වීථිය කාන්තා රෝහලේ නව ඡන්ම දරුවන්ට කෘත්‍රිම ශ්වසනයට අවශ්‍ය කෘත්‍රීම ශ්වසනය ලබාදීමේදී ශ්වසන ආධාරක සහ පෙනහළු සම්බන්ධ කෙරෙන ප්ලාස්ටික් බටවල තොග අවසන් වෙමින් පවතින බව වාර්තා වනවා.
ඒ හේතුවෙන් එම උපකරණ ලබා ගැනීමට අවශ්‍ය සහාය ඉල්ලා වෛද්‍යවරුන් මේ වන විටත් විදේශගත පිරිස් වෙත විවිධ දැනුවත් කිරීම් සිදුකර ඇති බවයි වාර්තා වන්නේ.
මේ අතර, රිජ්වේ ආර්යා ළමා රෝහලේ ද සායනවලින් ප්‍රතිකාර ලබන දරුවන්ට මීට පෙර මාස 3ක කාලයකට ඖෂධ නිකුත් කිරීම සිදුකළ ද එය මේ වන විට මසක කාලයකට සීමා කර තිබෙනවා.
රෝහල් අධ්‍යක්ෂ වෛද්‍ය ජී. විජේසූරිය සදහන් කළේ පවතින ඩොලර් අර්බුදය හමුවේ උද්ගතව ඇති තත්ත්වය සැලකිල්ලට ගනිමින් පවත්වා තොග කළමනාකරණය සඳහා එම පියවර ගත් බවයි.
