චීනයේ ෂින්ජියැන්ග් ප්‍රදේශයෙන් පලා ගොස් තායිලන්තයේ සංක්‍රමණ රැඳවුම් මධ්‍යස්ථානයේ රඳවා සිටි උයිගුර් ජාතිකයින් තිදෙනෙකු පැන ගොස් ඇති බව මාධ්‍ය වාර්තා පවසයි.
චීන රජයේ තාඩන පීඩන සහ මර්දනය දිගු කලක් විඳදරාගත් මුස්ලිම් සුළුතරයක් වන බොහෝ උයිගුර්වරු, තුර්කියේ හෝ වෙනත් රටවල සරණාගතභාවය ලබා ගැනීමේ බලාපොරොත්තුවෙන් තායිලන්තය හරහා ගමන් කිරීමට උත්සාහ කරති.
කෙසේ වෙතත්, ඔවුන්ගෙන් බොහෝ දෙනෙක් තවමත් තායිලන්ත රැඳවුම් මධ්‍යස්ථානවල රඳවා සිටින බව පැවසේ.
චීනයට මෙම උයිගුර් සුළුතරයන් ආපසු අවශ්‍ය වුවද, තායිලන්තය කුමක් කළ යුතු දැයි තවමත් තීරණය කර නොමැති බව, රට තුළ සිටින උයිගුර් සරණාගතයින්ට සහාය වන තායි රාජ්‍ය නොවන සංවිධානයක් වන මහජන සවිබල ගැන්වීමේ පදනමේ අධ්‍යක්ෂ චාලිඩා ටජාරො‍නෙක්සුක් පැවසීය.
ඔවුන් අවුරුදු 10කට ආසන්න කාලයක් රඳවාගෙන සිටින බවත් රජය ඔවුන්ව නිදහස් කිරීමටත්, ඔවුන්ට ජීවත් වීමට හොඳ තැනක් සොයා ගැනීම ගැන සලකා බැලිය යුතු බවත් කිසි විටෙකත් ඔවුන්ව නැවත චීනයට නොයැවිය යුතු බවත් ඔහු සදහන් කරයි.
මෙම උයිගුර් ජාතිකයන් තිදෙනා පලා යාමේ නවතම සිදුවීම සිදුවූයේ දිගුකාලීන රඳවා තබා ගැනීම අවසන් කරන ලෙස අයිතිවාසිකම් සංවිධාන තායිලන්ත රජයෙන් ඉල්ලා සිටීමෙන් දින කිහිපයකට පසුවය.
