සෞඛ්ය අමාත්යංශයේ වෛද්යවරුන් සහ අනෙකුත් සියලුම සේවකයන්ගේ අතිකාල සහ අමතර දීමනා සියයට 15න් කපාහැර තිබේ.
රාජ්ය වියදම් කලමනාකරණය සහ පාලනය කිරීම යටතේ අතිකාල සහ අමතර දීමානා සියයට 15කින් කපා හරින බව සෞඛ්ය අමාත්යංශයේ ලේකම් ජනක ශ්රී චන්ද්රගුප්ත මහතා නිකුත් කළ නිවේදනයක සඳහන් වේ.
මීට අමතරව රෝහල් හැර අනෙකුත් සෞඛ්ය කාර්යාල ඉදිරිදා දිනවල වසා තබන ලෙසත් ආරක්ෂක, පිරිසිදු කිරීම් සඳහන වියදම සියයට 10කින් අඩුකරන ලෙසත් එම චක්රලේඛය මගින් ආයතන ප්රධානීන්ට උපදෙස් දී ඇත.
තවද සෞඛ්ය අමාත්යංශයේ විධායක ශ්රේණියේ නිලධාරීන් සඳහා මසකට ලබා දෙන නිවාඩු දින වැටුප් ප්රමාණය දින 5කට සීමා කළ යුතු බව ද එහි සඳහන් වේ.
විදුලිය අරපිරිමැස්මෙන් භාවිත කරන ලෙසත් අනවශ්ය විදුහිල පහන් නිමාදමන ලෙසත් ජලය, ඉන්ධන, දුරකතන, ලිපිද්රව්ය භාවිතය අවම කරන ලෙසත් සෞඛ්ය ලේකම්වරයා චක්රලේඛයෙන් උපදෙස් දී තිබේ.
වැඩසටහන්, සම්මනත්රණ වැඩමුළු, පුහුණු වැඩසටහන් සංවිධානය කිරීමෙන් වැළකිය යුතු බව ද අත්යශවශ්ය නම් ඊට සෞඛ්ය ලේකම්ගේ පූර්ව අනුමැතිය ලබගත යුතු බව ද එහි සඳහන් වේ.
