අනෙක් රටවල් ශ්‍රී ලංකාවට උදව් කිරීමේ තත්ත්වය ටිකක් අඩු වී ඇති බවක් පෙනෙන්නට ඇතැයි ශ්‍රී ලංකා නිදහස් පක්ෂ මහ ලේකම් රාජ්‍ය අමාත්‍ය දයාසිරි ජයසේකර මහතා සඳහන් කරයි.
ඒ හේතුවෙන් මේ මොහොතේ විකල්පයක් ලෙස ජාත්‍යන්තර මූල්‍ය අරමුදල සමග සාකච්ඡා කළ යුතු බව තම පුද්ගලික අදහස බවද ඔහු පැවසීය.
කෙසේ වෙතත් පක්ෂ ලෙස තවම ඒ පිළිබඳව සාකච්ඡා නොකළ බවත් පක්ෂයේ අදහස් ගණනාවක් ඇති බවත් ඔහු සඳහන් කළේය.
ඒ පිළිබඳව අවසන් මතයක් ඉදිරිපත් කිරීමට ඉදිරියේදී බලාපොරොත්තු වන බවත් අමාත්‍යවරයා පැවසීය.
ජාත්‍යන්තර මුල්‍ය අරමුදල වෙත යාම පිළිබඳව මාධ්‍යවේදීන් කළ විමසීමකට ප්‍රතිචාර දක්වමින් ඔහු මෙසේ කියා සිටියේය.
