ජාතික ඖෂධ නියාමන අධිකාරියේ දත්ත ගබඩාවේ ස්වයංක්‍රීය දත්ත ගොනු ලක්ෂ 11කට ආසන්න සංඛ්‍යාවක් සම්පූර්ණයෙන් අතුරුදන් වීම සම්බන්ධයෙන් අපරාධ පරීක්ෂණ දෙපාර්තමේන්තුව පුළුල් පරීක්‍ෂණයක් අරඹා තිබේ.
මේ සම්බන්ධයෙන් ජාතික ඖෂධ නියාමන අධිකාරිය ද විමර්ශනයක් අරඹා ඇති අතර මෙය කඩාකප්පල්කාරී ක්‍රියාවක් ද යන්න සොයා බැලීම සඳහා එම විමර්ශනය සිදු කරන බව ඖෂධ නියාමන අධිකාරියේ නිළධාරියෙක් කීය.
ඔන්ලයින් ක්‍රමයට අනුව මෑතකදී ජාතික ඖෂධ නියාමන අධිකාරිය වෙත ගබඩා කර තිබූ දත්ත බොහොමයක් ද මේ නිසා සොයාගත නොහැකි බව ද එම නිලධාරියා සඳහන් කළේය.
මෙම තොරතුරු දත්ත ජාලය 2018 වසරේ සිට පෞද්ගලික සමාගමක් සමග ගිවිසුම්ගතව සිදු කරන බවත් ශ්‍රී ලංකා තොරතුරු සහ සන්නිවේදන තාක්‍ෂණ තොරතුරු ආයතනය ද ව්‍යාපෘති භාරව ද කටයුතු කරන බවත් දැනගන්නට ඇත.
Sri Lanka Mirror
