තවත් ප්ලාස්ටික් නිෂ්පාදන වර්ග 07ක් තහනම් කිරීම ගැසට් පත්‍රය ලඟදීම නිකුත් කිරීමට නියමිතව තිබේ.
වරක් භාවිතා කර ඉවත ලන තවත් ප්ලාස්ටික් නිෂ්පාදන 07ක් අප රටේ නිෂ්පාදනය, අලෙවිය හා බෙදාහැරීම තහනම් කිරීමට පසුගිය සතියේ රැස් වූ අමාත්‍ය මණ්ඩලයේ අනුමැතිය ලැබී ඇත.
ඒ අනුව ඊට අදාල ගැසට් නිවේදනය නීතිපති දෙපාර්තමේන්තුවේ නිර්දේශය ලැබුනු වහාම නිකුත් කිරීමට පියවර ගන්නා බව පරිසර අමාත්‍ය මහින්ද අමරවීර මහතා පැවසීය.
අමාත්‍යවරයා මෙම අදහස් පළ කළේ ඊයේ (08) පරිසර අමාත්‍යංශයේ දී පැවැති සතිපතා මාධ්‍ය හමුව අමතමිනි.
