හදිසියේ අභාවප්‍රාප්ත වූ මංගල සමරවීර මහතා අරබයා ඇමරිකාව ප්‍රමුඛ බටහිර රටවල් රැසක ශෝකය පළවී තිබෙනවා. එහිදී USAID ප්‍රධානී සමන්තා පවර් මහත්මියගේ අදහස් විශේෂ කොට සැලකියහැකි වනවා..
” ශ්‍රී ලංකාවේ හිටපු විදේශ අමාත්‍යවරයෙකු , ශ්‍රේෂ්ඨ දේශප්‍රේමියෙකු සහ ප්‍රජාතන්ත්‍රවාදය සහ මානව හිමිකම් වෙනුවෙන් පෙනී සිටි රාජ්‍ය තාන්ත්‍රිකයෙකු මෙන්ම වටිනා මිතුරෙකු වූ මංගල සමරවීරගේ අභාවය ගැන මම දැඩි ලෙස කම්පාවට පත් වී සිටිමි. ඔහුගේ පවුලේ අයට සහ ශ්‍රි ලංකාවේ ජනතාවට මගේ බලවත් කණගාටුව ප්‍රකාශ කරමි.කුරිරු සිවිල් යුද්ධයක් අතරමැද මංගල දේශපාලනයට පිවිසියේ සියළුම ශ්‍රී ලාංකිකයින් සඳහා සාමය, සමගිය සහ ගෞරවය ඇතිකිරීම ගැන ඔහු සිහින මැවූ බැවිනි. අතුරුදහන් වූවන්ගේ තොරතුරු සොයා බැලීම සඳහා වූ මව්වරුන්ගේ පෙරමුණ නිර්මාණය කිරීමට ඔහු උදව් කළේය. එමගින් ඔවුන් පිලිබඳව තොරතුරු සැපයීමට බල කෙරිනි.මංගල යුක්තිය සහ සංහිඳියාව සඳහා සටන් කළේය. විදේශ ඇමති වශයෙන් ඔහු අතුරුදහන් වූවන් පිළිබඳ කාර්යාලය පිහිටුවීමට සහ යුද්ධයෙන් විපතට පත් වූවන්ට සහ දිවි ගලවා ගත් අයට වන්දි ගෙවීම සඳහා බල කළේය. මුදල් ඇමතිවරයා වශයෙන් ඔහු යුද්ධයෙන් පසු අන්ත අසරණ වූ පවුල් විසින් ලබා ගත් ණය කපා හැරීමට කටයුතු කළේය. මංගලට ශ්‍රී ලංකාව ලෝකයට විවෘත කිරීමට අවශ්‍ය වූ අතර, එක්සත් ජනපදය හා ශ්‍රී ලංකාව අතර සබඳතා ශක්තිමත් කර ගැනීමට මම සමඟ කටයුතු කිරීම ගැන ඔහුට ස්තූතිවන්ත වෙමි. ඔහු මා දන්නා ඉතාමත් කැපී පෙනෙන ජනතා සේවකයෙකු වන අතර ඉතා ගැඹුරු පුද්ගලයෙකි. ඔහුගේ ඥානවන්ත උපදෙස්, අතිමහත් ඥානය සහ මිත්‍රත්වය සඳහා දුර්ලභ ත්‍යාගය මට මග හැරෙනු ඇත.”
