ඊයේ (1) යුක්රේනයේ කීව් අගනුවරට ‘රික්ත’ බෝම්බ ප්‍රහාරයක් එල්ල වූ බව යුක්රේන ආරක්ෂක අංශ තහවුරු කලේය.
‘රික්ත’ බෝම්බ ප්‍රහාරයක් යනු බෝම්බ ප්‍රහාරය එල්ල වන අවට ප්‍රදේශය අධික උෂ්ණත්වයක් ඇති කරමින් ඒ අවට ඔක්සිජන් තත්වයද අවම කරමින් පුපුරා යන අති ප්‍රභල බෝම්බ ප්‍රහාරයකි.
මෙම ප්‍රහාර එල්ල කරන්නේ පොකුරු පුපුරණ ද්‍රව්‍ය සහ රික්ත බෝම්බ මගින් යුක්රේන වැසියන්ට ප්‍රහාර එල්ල කළ බවට රුසියාවට දිගින් දිගටම චෝදනා එල්ල වී තිබෙන පසුබිමකයි.
මෙම බෝම්බ ජිනීවා සම්මුතිය මගින් තහනම් කර ඇති බෝම්බයකි.
එමෙන්ම මෙම බෝම්බ පිපුරුමක ශබ්ද තරංගය අතිවිශාල බවද වාර්තා වේ.
බෝම්බ ප්‍රහාරයෙන් සිදුව ඇති හානිය පිළිබඳ මෙතෙක් වාර්තා වී නොමැති බවත් රුසියාව යුක්‍රේනයට සිදු කිරීමට උත්සහ කරන විනාශය අතිවිශාල බව විදෙස් මාධ්‍ය පවසයි.
මෙි අතර රුසියානු හමුදා විශාල ලෙස තහනම් කරන ලද පොකුරු බෝම්බ භාවිතා කර ඇති බව පෙනී යන්නේ යැයි ඇම්නෙස්ටි ඉන්ටර්නැෂනල් සහ හියුමන් රයිට්ස් වොච් පවසයි.
ඉදිරි ප්‍රහාර දරුණු විය හැකි බවත් වහාම ඉවත් වන ලෙසත් රුසියාව Kyiv වැසියන්ට දන්වා සිටී. නම්කරන ලද මාර්ග කිහිපයක් ඔස්සේ සිවිල් ජනතාවට කිසිඳු භාදාවකින් තොරව ඉවත්වීමට ඉඩ-කඩ ලබාදී තිබෙන බැවින් ඉදිරි මෙහෙයුම් වලදී සිදුවන හානි පිළිබඳ වගකීම තමාට දැරිය නොහැකි බවට රුසියාව කියාසිටී..
මේ වනවිට යුක්රේන හමුදා එරට සිවිල් ජනතාවට මෙහෙයුම් කලාප වලින් ඉවත් වීමට ඉඩ නොදී බාධා කරන බව සඳහන් වේ.
රුසියාව විසින් රික්ත බෝම්බ (vacuum bomb) සහ තාප බෝම්බ භාවිතා කළ බවට එක්සත් ජනපදයේ යුක්රේන තානාපති ඔක්සානා මාකරෝවා විසින් ප්‍රකාශ කර ඇත්තේ එක්සත් ජනපද කොංග්‍රස් සාමාජිකයින් හමුවීමෙන් අනතුරුවයි.
මෙවැනි බෝම්බ ජාත්‍යන්තර නීතිය අනුව භාවිතය තහනම් වන අතර, රික්ත බෝම්බයක් පිපිරීමේදී ඒ අවට ඇති වාතය එකතු කර, ක්ෂණිකව දැඩි තාපයක් සහිතව පුපුරවා යාම සිදුවනවා.
එම පිපිරීම සිදුවන ප්‍රදේශයේ වාතය නොමැතිව සම්පූර්ණයෙන්ම රික්තයක් බවට පත්වන අතර, එම සීමාව තුළ සිටින ජීවීන්ගේ ශරීරවල ඇති ඔක්ජින් පවා එළියට ඇද දමා ජීවීන් උණුවී විනාෂ වීමයි සිදුවනු ලබන්නේ.
CNN පුවත් සේවයේ කණ්ඩායමක් යුක්රේන දේශසීමාව අසල රුසියානු තාප බහු රොකට් විදිනයක් දැක ඇති බවද පසුගිය සෙනසුරාදා වාර්තා කර තිබුණා.
කෙසෙ නමුත් මේ දක්වා මෙයින් යුක්‍රේනයට සිදු වූ හානිය වාර්තා වී නැත.
රික්ත බෝම්බයක් යනු කුමක්ද ?
මොනවද මේ රුසියාවේ Thermobaric Bomb එහෙම නැතිනම් රික්ත බෝම්බ (Vacuum Bomb) කියන්නේ…?
රික්ත බෝම්බයක් ලෙස හදුන්වන්නේ පියවර කීපයක් මගින් බෝම්බ ප්‍රහාරය එල්ල වන ප්‍රදේශය අවට අධික ලෙස උෂ්ණත්වයක් ඇති කරමින් වාතයේ ඇති ඔක්සිජන් මට්ටමද අවම කරමින් පුපුරා යන ප්‍රභල බෝම්බ විශේෂයකටයි.. එමෙන්ම මෙම බෝම්බ විශේෂය ඉතා ප්‍රභල ශබ්ද තරංගයක් පිට කරන බෝම්බ විශේෂයක්ද වනවා..මෙම බෝම්බ ජීනීවා සම්මුතීන් මගින් තහනම් කරන ලද බෝම්බ විශේෂයක් බවත් පැවසෙනවා.එසේම මෙය යුධ අපරාධ ගනයට වැටෙන සිදුවීමක් ලෙසද වාර්තා වනවා.
රික්ත බෝම්බයක් ඉහළ උෂ්ණත්ව පිපිරීමක් ජනනය කිරීමට අවට වාතයෙන් ඔක්සිජන් භාවිතා කරයි, මාරාන්තික කම්පන තරංගයක් නිපදවීම සහ අවට සිටින ඕනෑම අයෙකුගේ පෙනහළු වලින් ඔක්සිජන් උරා බොයි.
Thermobaric warheads ලෙසද හඳුන්වනු ලබන මෙම බෝම්බ, සාමාන්‍යයෙන් සාම්ප්‍රදායික පුපුරණ ද්‍රව්‍යයකට වඩා සැලකිය යුතු දිගු කාල පරාසයක පිපිරුම් තරංගයක් නිපදවන අතර මිනිස් සිරුරු වාෂ්ප කිරීමට හැකියාව ඇත.
එය ක්‍රියාත්මක වන්නේ කෙසේද?
සාමාන්‍ය ඉන්ධන වායු බෝම්බයක් ඉන්ධන බහාලුමක් සහ වෙනම පුපුරන ද්‍රව්‍ය ආරෝපණ දෙකකින් සමන්විත වේ.
පළමු ආරෝපණය වාතයේ ඔක්සිජන් සමඟ මිශ්‍ර වන වලාකුළක ඉන්ධන විසුරුවා හැරීම සඳහා කන්ටේනරය විවෘත කරයි.
එවිට ඉන්ධන වලාකුළ වස්තූන් වටා සහ ව්යුහයන් තුළට ගලා යයි.
දෙවන ආරෝපණය වලාකුළ පුපුරුවා හරිමින් දැවැන්ත පිපිරුම් තරංගයක් නිර්මාණය කරයි.
මෙම රොකට් දියත් කරනු ලබන්නේ බහු දියත් රොකට් පද්ධතියක් මගිනි. එය
TOS-1A “Solntsepek” යන නාමයෙන් හඳුන්වනු ලබයි. Flamethrower යන අන්වර්ථ නාමයෙන් ද හදුන්වනු ලබයි. T-72 ටැංකියක චැසිය මත සවි කර ඇති බහු දියත් රොකට් පද්ධතියක් වන රුසියාවේ සාම්ප්‍රදායික අවි ගබඩාවේ ඇති වඩාත්ම බියකරු ආයුධ පද්ධතියකි. ඉහළ උෂ්ණත්ව පිපිරීමක් ජනනය කිරීම සඳහා අවට වාතයෙන් ඔක්සිජන් භාවිතා කරන තාපගතික රොකට් වෙඩි තැබීමේ හැකියාව ඇත. 220mm රොකට් 24 ක් එකවර ගෙනයා හැකි ය. තත්පර 6ක් තුල කිලෝ මීටර් 6 ක් දුරින් පිහිටි වර්ග මීටර් 40000 ක ප්‍රදේශයකට ප්‍රහාර එල්ල කිරීමට තරම් හැකියාවක් ඇත. එනම් බේස් බෝල් පිට්ටනි හතරකට සමානය. එය පිපිරීමෙන් නිපදවන උෂ්ණත්වය සෙල්සියස් අංශක 1000 පමණ වේ.
යුක්රේනයේ ගැටුමේදී තාප අවි භාවිතා කර ඇති බවට නිල තහවුරු කිරීමක් නොමැත.
