විදුලිය නිෂ්පාදනය සඳහා ඉදිරි දින කිහිපයට අවශ්‍ය ඉන්ධන සපයා ගැනීමට ලංකා IOC සමාගමේ සහය පැතීමට විදුලි බල මණ්ඩලයේ අවධානය යොමුව තිබේ.
ලංකා IOC සමාගම සමඟ ඒ සම්බන්ධයෙන් සාකච්ඡා කරන ලෙස තමා විදුලිබල මණ්ඩලයේ සභාපතිවරයාට දැනුම්දුන් බව අමාත්‍ය ගාමිණි ලොකුගේ මහතා සදහන් කළේය. ඒම සාකච්ඡාවට අවශ්‍යනම් තමාද සහභාගිවන්නම් යැයි සභාපතිවරයාට දැනුම් දුන් බවද අමාත්‍යවරයා පැවසීය.
ලංකා විදුලි බල මණ්ඩලයට ඉන්ධන ලබාදීමට අවශ්‍ය නම් ඒ් සඳහ ගෙවිම් ඩොලර්වලින් ගෙවන ලෙස ලංකා ඛනිජ තෙල් නීතිගත සංස්ථාව දැනුම් දී තිබේ.
එසේම මේ වන විටත් ලංවිමට ඇත්තේ දින තුනක අඛණ්ඩ විදුලි සැපයුමක් සහතික කිරීම වෙනුවෙන් ප්‍රමාණවත් ඉන්ධන සංචිතයක් පමණි.
දැනට අක්‍රියව ඇති නොරොච්චෝලේ බලාගාරය යළි සක්‍රීය තත්ත්වයට ගෙන ඒ්මට ලබන 22 දා තෙක් කල්ගතවනු ඇතැයිද වාර්තා වෙයි.
