විධායක ජනාධිපති ධූරය අහෝසි කරන බවට ප්‍රතිපත්ති ප්‍රකාශනවල දැමීමේ බයිලයට තවත් මේ රටේ ජනතාව රැවටිය නොහැකි බව සමගි ජන බලවේග පාර්ලිමේන්තු මන්ත්‍රී හරීන් ප්‍රනාන්දු පවසයි.
සිය පක්ෂය වුව විධායක ජනාධිපති ධූරය අහෝසි කරන්නේ යැයි පවසමින් තවත් ජනාධිපති අපේක්ෂකයෙකු ඉදිරිපත් කිරීමට තමා විරුද්ධ බව ඔහු අවධාරණය කරයි.
ජනාධිපති පුටුවට පැමිණි පසු කිසිවෙකු එය අතහැරීමට කැමැති නැති බව හරීන් ප්‍රනාන්දු ප්‍රකාශ කරයි.
එහෙයින් විධායක ජනාධිපති ධූරය අහෝසි කිරීමේ කටයුත්ත කළ යුත්තේ එම ධූරයට පත්වීමට පෙර බවත් ධූරයට පත් වූ පසු කිසිවෙකුට තමන්ගෙන් වැඩක් නොමැති බවත් හරීන් ප්‍රනාන්දු වැඩි දුරටත් ප්‍රකාශ කරයි.
කෙසේ වුව ද මේ වන විටත් සජිත් ප්‍රේමදාස 2025 සමගි ජන බලවේගයේ ජනාධිපති අපේක්ෂකයා බව එම පක්ෂයේ බොහෝ නායකයින් පවසා තිබේ.
Emanisa.lk
