පසුගිය ජනාධිපතිවරණ සමයේ දිවයින පුරා විහාරස්ථානවලට සිල් රෙදි බෙදාහැරීම තුළින් රජයට පාඩු සිදුකළ බවට චෝදනා කරමින් හිටපු ජනාධිපති ලේකම් ලලිත් වීරතුංග මහතාට සහ විදුලි සංදේශ නියාමන කොමිෂන් සභාවේ හිටපු අධ්‍යක්ෂ ජනරාල් අනූෂ පැල්පිට යන මහත්වරුන්ට එරෙහිව පවරා තිබූ නඩුව අද විභාගයට ගැනිණ.
කොළඹ මහාධිකරණය හමුවේ අදාළ නඩුව විභාගයට ගත් අතර සිල් රෙදි සැපයීමේ කාර්යයේ නිරතව සිටි සැපයුම්කරුවෙකුගෙන් සාක්ෂි සටහන් කර ගැනීම ද සිදුවිය.
ඊට අදාළ වැඩිදුර සාක්ෂි සටහන් කරගැනීමේ කටයුතු අගෝස්තු මස තුන්වන දිනට කල් තැබීමට අධිකරණය නියෝග කර තිබේ.
