ලබන වසරේ සිට විදේශ ගමන් බලපත්‍ර නව ආරක්ෂිත ක්‍රමවේදයක් යටතේ බියගම පිහිටි තෝමස් ඩි ලාරූ ආයතනයේදී මුද්‍රණය කිරීමට බලාපොරොත්තු වන බව අග්‍රාමාත්‍ය රනිල් වික්‍රමසිංහ මහතා පැවසීය.
මෙම ගමන් බලපත්‍රය සඳහා මයික්‍රෝ චිපයක්ද ඇතුළත් කෙරේ.
අග්‍රාමාත්‍යවරයා මේ බව පැවසුවේ අද (14) බියගම නිදහස් වෙළඳ කලාපයේ පිහිටි ඩි ලාරූ ආයතනයේ නිරීක්ෂණ චාරිකාවක නිරත වෙමිනි.
මෙම අවස්ථාවට ආරක්ෂක රාජ්‍ය අමාත්‍ය රුවන් විජයවර්ධන මහතා බ්‍රිතාන්‍ය මහකොමසාරිස් ජේම්ස් ඩොරිස් යන මහත්වරු සහභාගී වූහ.
