ඇමරිකා එක්සත් ජනපදය පුරා ඩෙල්ටා වෛරස් ප‍්‍රභේදය ශීඝ‍්‍රයෙන් පැතිර යෑමත් සමගම කොරෝනා ආසාදිතයන් වැඩි පිරිසක් රෝහල්ගත කිරීම හේතුවෙන් මේ වන විට රට පුරා පිහිටි රෝහල්වල වාට්ටුවල ඇඳන් මෙන්ම දැඩි සත්කාර ඒකක ඇඳන් පිරී ඉතිරී යමින් පවතින බව වාර්තා වී තිබේ.
මේ වන විට රට තුළ වැඩි වශයෙන් රෝහල්ගත කෙරෙනුයේ වයස අවුරුදු 17 හා එයට වඩා අඩු වයස්වල පසු වන ළමුන් බව වෛද්‍යවරු පවසති. ෆ්ලොරිඩා හා ටෙක්සාස් යන ප‍්‍රාන්තවල රෝහල්වලට ඇතුළත් කෙරෙන කොරෝනා ආසාදිතයන්ගේ සංඛ්‍යාව මේ වන විට තුන් ගුණයකින් පමණ වැඩි වී තිබේ.
