ශ්‍රී ලංකා ක්‍රිකට් ආයතනය සංවිධාන කළ ආරාධිත පන්දුවාර විස්සයි විස්ස ක්‍රිකට් තරගාවලියේ ශුරතාවය දිනා ගැනීමට දසුන් ශානකගේ නායකත්වයෙන් යුත් ග්‍රේස් කණ්ඩායම සමත්වුනා.
ඒ ඊයේ රාත්‍රියේ පල්ලේකැලේ ජාත්‍යන්තර ක්‍රීඩාංගනයේ පැවති අවසන් මහි තරගයේදී දිනේෂ් චන්දිමාල්ගේ රෙඩ්ස් පිළ ලකුණු 42 කින් පරාජයට පත් කරමින්.
පළමුවෙන් පන්දුවට පහරදුන් ග්‍රේස් කණ්ඩායම නියමිත පන්දුවාර 20 තුල කඩුලු 4 ක් දැවී රැස්කළ ලකුණු සංඛ්‍යාව 201 ක්. මිනෝද් භානුක ලකුණු 74 යි.
දසුන් ශානක නොදැවී ලකුණු 48 ක් රැස්කළා. පිළිතුරු ඉනිම ක්‍රීඩා කළ රෙඩ්ස් කණ්ඩායමට පන්දුවාර 19 යි පන්දු 4 කදී සියල්ලන් දැවී රැස්කර ගැනීමට හැකිවුනේ ලකුණු 159 ක් පමණයි.
ඕෂධ ප්‍රනාන්දු ලකුණු 46 යි.
ඒ අනුව අවසන් මහා තරගයේ කිරුළ දිනාගත්තේ ග්‍රේස් කණ්ඩායමයි.
ඔවුන්ට ශූරතා කුසලානය සමඟ මුදලින් රුපියල් ලක්ෂ 20 ක මුදලක් පිරිනැමුනු අතර අනුශූරතාව සඳහා ලක්ෂ 15 ක මුදලක් රෙඩ්ස් පිළට හිමිවුනා.
තරගාවලියේ වීරයා සම්මානය දිනා ගත් ග්‍රේස් නායක දසුන් ශානකට රුපියල් ලක්ෂ 2 ක මුදලක් හිමිවු අතර අවසන් මහා තරගයේ වීරයා වු මිනෝද් භානුකට රුපියල් පනස්දහසක මුදලක් හිමිවුණා.
