රාජගිරියේදී සිදුවූ රිය අනතුර සම්බන්ධයෙන් තමා ඇතුළු තුන්දෙනෙකුට එරෙහිව පවරා ඇති නඩුවේ හෙට (11) පැවැත්වීමට නියමිත සාක්ෂි විභාගය අත්හිටුවන ලෙස පාර්ලිමේන්තු මන්ත්‍රී පාඨලී චම්පික රණවක මහතා අභියාචනාධිකරණයෙන් ඉල්ලීමක් කර තිබෙනවා .
2016 වසරේ අපරික්ෂාකාරී ලෙස රිය පදවා තරුණයකු බරපතළ අනතුරට ලක් කිරිමේ සිද්ධියට අදාළ සාක්ෂි වසන් කිරීම හා සාක්ෂි ගෙතු බවට චෝදනා කරමින් තමන්ට එරෙහිව කොළඹ මහාධිකරණය හමුවේ ගොනුකර තිබෙන නඩුවේ විභාගය අත්හිටුවන ලෙස ඉල්ලා හිටපු අමාත්‍ය පාඨලී චම්පික රණවක මහතා විසින් ඉදිරිපත් කර තිබෙන ප්‍රතිශෝධන පෙත්සම විභාගයට ගැනීමට අවසර දෙනවාද? නැද්ද? යන නියෝගය ලබන 24 වනදා ප්‍රකාශයට පත්කරන ලෙස අභියාචනාධිකරණය නියම කළේය.
එහිදී චම්පික රණවක මහතාට එරෙහිව හෙට දින කොළඹ මහාධිකරණය හමුවේ පැවැත්වීමට නියමිත නඩු විභාගය අත්හිටුවීමේ අතුරු නියෝගයක් නිකුත් කරන ලෙස ඔහු වෙනුවෙන් පෙනී සිටි ජනාධිපති නීතිඥ ෆයිස් මුස්තාපා මහතා කරන ලද ඉල්ලීමද අධිකරණය ප්‍රතික්ෂේප කළේය.
සාක්ෂි විභාගය අත්හිටුවන ලෙස ඇමතිවරයා කළ එම ඉල්ලීම අභියාචනාධිකරණයෙන් ප්‍රතික්ෂේප ප්‍රතික්ෂේප කරනු ලැබුවා.
මෙම ප්‍රතිශෝධන පෙත්සම සලකා බැලීම මේනකා විජේසුන්දර සහ එස්. කුමාරන් රත්නම් යන මහත්ම මහත්මීන් ගෙන් සමන්විත විනිසුරු මඩුල්ල ඉදිරියේ කැඳවනු ලැබීය.
පෙත්සම්කාර චම්පික රණවක මහතා කියා සිටින්නේ 2016 වසරේ රාජගිරිය ප්‍රදේශයේ සිදු වූ බව කියන රිය අනතුරු සිද්ධියකට අදාළ සාක්ෂි වසන් කිරීම හා සාක්ෂි ගෙතූ බවට චෝදනා කරමින් තමන්ට එරෙහිව නීතිපතිවරයා විසින් කොළඹ මහාධිකරණය හමුවේ නඩු පවරා ඇති බවයි.
එම නඩුව පවරා පවත්වාගෙන යාමට නොහැකි බවට සිය නීතිඥවරු විසින් මූලික විරෝධතා මතු කළද එය ප්‍රතික්ෂේප කිරීමට මහාධිකරණ විනිසුරුවරයා නියෝග කර තිබේ.
