සමගි ජන බලවේගය පාර්ලිමේන්තු මන්ත්‍රී හරීන් ප්‍රනාන්දු මහතා විසින් රුපියල් ලක්ෂ 18කට අධික විදුලි බිලක් ගෙවීම පැහැර හැර ඇති බවට චෝදනා එල්ල වෙයි.අංක 37,කැප්පෙටිපොළ මාවත ,කොළඹ 05 පිහිටි සිය නිවසෙහි විදුලි බිල මෙසේ ගෙවා නැති බවද සදහන්ය.
මෙරට ලංකා විදුලිබල ඒකාබද්ධ වෘත්තීය සමිති බල මණ්ඩලයේ කැඳවුම්කරු රංජන් ජයලාල් මහතා මේ බව සදහන් කළේය
මෙි අතර 2019 වසරේදී තමන් භාර දුන් රජයේ නිවසේ බිල්පත් සඳහා තමන්ට වගකීමක් නොමැති බව පාර්ලිමේන්තු මන්ත්‍රී හරීන් ප්‍රනාන්දු මහතා පවසනවා.
එසේම තමන් භාවිත කළ නිවසේ විදුලි බිල ගෙවා නොමැති බවට අසත්‍ය ප්‍රචාර කරන අයට විරුද්ධව අපහාසාත්මක නීතිය යටතේ ක්‍රියාමාර්ග ගන්නා ලෙස තමන් නීතිඥවරුන්ට උපදෙස් දුන් බවයි ඔහු අවධාරණය කර සිටින්නේ.
තමන්ට කොළඹ නිවසක් නොමැති බවත් තමන් භාවිත කිරීමෙන් අනතුරුව භාරදුන් නිවසේ විදුලි බිල්පත් ගෙවා නොමැතිනම් ඒ සඳහා එම නිවස වර්තමානයේ භාවිත කරන අමාත්‍යවරයා වග කිව යුතු බවත් ඔහු පවසනවා.
