රුසියාව සහ පාකිස්තානය අතර අඩු මිලට තෙල් සහ තිරිගු වෙළඳාම් කිරීම පිළිබඳ අවබෝධතා ගිවිසුමක් අත්සන් කර නොමැති බව රුසියාවේ පකිස්තාන තානාපති ඩැනිලා ගානිච් පවසයි.
ටෙහ්රීක්-ඊ-ඉන්සාෆ් ප්රමුඛ රජයට අඩු මිලට තෙල් මිලදී ගැනීමට ඉදිරිපත් වූ බවට ඉම්රාන් ඛාන්ගේ ප්රකාශයන් සම්බන්ධයෙන් ප්රශ්නයකට පිළිතුරු දෙමින් ගානිච් පැවසුවේ රුසියාව සහ පාකිස්තානය අතර ඇත්තේ වෙළෙද ගිවිසුමක් පමණක් බවයි.
පාකිස්තානය සමඟ ඩොලර් මිලියන 790 ක් වටිනා වෙළඳ ගිවිසුමක් අත්සන් කර ඇති අතර එයින් රුසියානු තිරිඟු සඳහා ඩොලර් මිලියන 212 ක් වැය කිරීමට එකඟ වූ බව ඩැනිලා ගානිච් වැඩිදුරටත් පැවසීය.
2020 දී රුසියාවේ කෘෂිකර්ම අමාත්යාංශය සහ පාකිස්තානයේ ආහාර සුරක්ෂිතතා අමාත්යාංශය අතර මේ සම්බන්ධයෙන් අවබෝධතා ගිවිසුමක් අත්සන් කල බව රුසියානු තානාපතිවරයා පෞද්ගලික රූපවාහිනී නාලිකාවකට අදහස් දක්වමින් සදහන් කර තිබේ.
ඉම්රාන් ඛාන් රුසියාවට පැමිණීම තමන් නෙරපා හැරීමට හේතුව බවට කරන ලද ප්රකාශ පිළිබඳ ප්රශ්නයකට පිළිතුරු දුන් තානාපතිවරයා කියා සිටියේ රුසියාව යුක්රේනය ආක්රමණය කළ දිනයේම හිටපු අගමැතිවරයා මොස්කව් නුවරට පැමිණීම අහඹු සිදුවීමක් බවයි.
ඉම්රාන් ඛාන් මූලික වශයෙන් අවංක පුද්ගලයකු බවත්, ඔහුට ජනතාවගේ අභිවෘද්ධිය සඳහා කටයුතු කිරීමට අවශ්ය වූ බවත් තානාපතිවරයා වැඩිදුරටත් පැවසීය.
