රුසියාවෙන් තෙල් සහ ආහාර ලබා දෙන්නේ නම් සහ එය පාකිස්තානයට එරෙහිව සම්බාධක පැමිණීමට බාධාවක් නොවන්නේ නම් ඒවා අඩු මිලට මිලදී ගන්නා බව පකිස්තාන මුදල් අමාත්ය මිෆ්තා ඉස්මයිල් ප්රකාශ කර තිබේ.
කෙසේ වෙතත්, මෙතෙක් මොස්කව් එවැනි යෝජනාවක් ඉදිරිපත් කර නොමැති බව ඔහු සදහන් කර ඇත.
සීඑන්එන් පුවත් සේවයේ බෙකී ඇන්ඩර්සන් සමඟ සම්මුඛ සාකච්ඡාවකට එක්වෙමින් ඉස්මයිල් පැවසුවේ රුසියාවෙන් අඩු මිලට තෙල් මිලදී ගැනීමට ඉල්ලා සිටි පසුගිය ආණ්ඩුවේ ලිපියට මොස්කව් ප්රතිචාර නොදැක්වූ බවයි.
ආර්ථික ගැටළු නොතිබුණි නම් වත්මන් ආණ්ඩුව කඩිනමින් මැතිවරණයකට යාමට ඉඩ තිබූ නමුත් පවතින තත්ත්වය තුළ රටේ මුල්ය තත්ත්වය ස්ථාවර කිරීම එහි පළමු යුතුකම බව ද මුදල් අමාත්යවරයා සදහන් කර තිබේ.
රුසියාවෙන් තෙල් සහ තිරිඟු මිලදී ගැනීමේ විකල්පය ගැන විමසූ විට ඉස්මයිල් පැවසුවේ දෙපාර්ශ්වය ඒ ගැන සාකච්ඡා කර ඇති නමුත් රුසියාව සම්බාධක යටතේ පවතින බැවින් සහ පසුගිය පීටීඅයි රජය විසින් යවන ලද ඉල්ලීමට ඔවුන් තවමත් ප්රතිචාර දක්වා නොමැති නිසා ඒ පිළිබඳ ප්රගතියක් නොමැති බවයි.
