ඉස්ලාම් ආගමට අපහාස කිරීම පාකිස්ථානයේ මරණීය දණ්ඩනයට යටත් වන වරදක් වන අතර එය අන්ත-මූලධර්මවාදී ඉස්ලාමය හෝ ඉස්ලාමීය ජනරජයේ රජය විවේචනය කරන්නන්ට එරෙහිව පහසු චෝදනාවක් වන අතර බොහෝ විට ව්‍යාජ සාක්ෂි මගින් සහාය දක්වනු ලබන බවටත් චෝදනා නැගී ඇත.
එහි ප්‍රධාන සිදුවීමක් වන 2017 දී බ්ලොග් පුවත් සපයන්නන් පස්දෙනාගේ නඩුව ජාත්‍යන්තර සිරස්තල බවට පත් විය.
සල්මාන් හයිඩර්, අසීම් සයීඩ්, අහමඩ් වකාස් ගොරායා, අහමඩ් රාසා නසීර් සහ සමර් අබ්බාස් යන පුද්ගලයන් එකවර අතුරුදහන් වූ අතර ඔවුන් අත්අඩංගුවට ගෙන නොමැති බව රජය ප්‍රකාශ කරද්දී, හමුදාව සහ පාකිස්තාන ඔත්තු සේවය ISI (අන්තර් සේවා බුද්ධි අංශය) ඔවුන්ගේ අතුරුදහන් වීමට සම්බන්ධ බවට නැගුණු චෝදනා ප්‍රතික්ෂේප කළහ.
පසුව ඔවුන් හමු වූ අතර එහිදී ඔවුන් පැවසුවේ තමන්ව හුදෙකලා ස්ථානවලට රැගෙන ගොස් වධ හිංසා කළ බවයි.
ඔවුන්ගෙන් කිහිපදෙනකු වර්තමානයේ නෙදර්ලන්තයේ ඇතුළු විදේශ රටවල ජීවත්වන අතර ඔවුන් පවසන්නේ පාකිස්ථානයේ දිගු හස්තය ඔවුන් සොයා තවමත් පැමිණෙන බවයි.
පාකිස්තානයේ දේව අපහාස නීති යනු සුළු ආගමිකයන් භීතියට පත් කිරීමේ මාර්ගයක් පමණක් නොවන අතර ISI සහ අන්ත-මූලධර්මවාදී ඉස්ලාමීය රැඩිකල්වාදීන් අතර ඇති ශුද්ධ නොවන සන්ධානය විවේචනය කරන සියලු දෙනා පැහැරගෙන යාමට, වධහිංසා පමුණුවා මරා දැමීමට යොදාගන්නක් බවට චෝදනා එල්ල වී තිබේ.
