ජාතික මැණික් හා ස්වර්ණාභරණ අධිකාරියට අයත් දික්වැල්ල -බෙලිදෙණිය පිහිටි ස්වර්ණාභරණ පුහුණු මධ්‍යස්ථානය කැලෑවැදී තිබේ. රාජ්‍ය මැණික් සංස්ථාව පැවැති වකවානුවේ එනම් 1979දී පමණ එවකට හිටපු මුදල් හා ක‍්‍රමසම්පාදන අමාත්‍ය රෝනි ද මැල් මහතා මෙම ගොඩනැගිල්ල ඉදිකරන්නට පියවරගෙන තිබිනි දකුණේ ස්වර්ණාභරණ පුහුණු පාසල වූයේ මෙම ගොඩනැගිල්ලයි.
ජාතික මැණික් හා ස්වර්ණාභරණ අධිකාරියට අයත් මෙම ගොඩනැගිල්ල 2008 වසරේ ප‍්‍රතිසංස්කරණය කිරීම සඳහා රුපියල් ලක්ෂ 48ක් වැයකර තිබේ.
මැණික් කැපීමේ යන්ත‍්‍ර සේප්පු සහ අනෙකුත් උපකරණ රැසක් සමඟ ඇති මෙම ගොඩනැගිල්ල දිරාපත් වෙමින් විනාශ වෙමන් පවතී.
දකුණේ ස්වර්ණාභරණ පුහුණු පාසල වසාදමා වසර ගණනාවක් ගෙවී ඇති අතර මෙසේ විනාශයට පත්වෙමින් ඇත්තේ රුපියල් කෝටි ගණනක උපකරණ සහ ගොඩනැගිලිය. මෙම අධිකාරිය පරිසර අමාත්‍යාංශයට අයත් ආයතනයක් වන අතර විෂයභාර අමාත්‍යවරයා වන්නේ ජනාධිපති මෛත‍්‍රීපාල සිිරිසේන මහතාය.
