පාකිස්තානයේ ගුවන් ආරක්ෂක අවශ්‍යතා සපුරාලීමට චීනය අපොහොසත් වී ඇති බවට චෝදනාවක් එල්ල වී තිබේ.
වසර පහකට පෙර චීනය විසින් පාකිස්තානයට සැපයූ ගුවන් මිසයිල පද්ධතිවල අබලන් තත්ත්වයෙන් මෙය මනාව පැහැදිලි වන පැවසේ.
අවි පද්ධති සම්පූර්ණයෙන් ක්‍රියාත්මක වීමට ප්‍රමාණවත් අමතර කොටස් ප්‍රමාණයක් අවශ්‍ය වන නමුත් චීනයට එය සැපයීමට නොහැකි වී තිබේ.
එය චීනයෙහි සැපයුම් දුර්වලතා පිළිබඳව දැඩි ප්‍රශ්න මතු කරන බව භූ දේශපාලන පුවත් ආවරණය කරන වෙබ් අඩවියක් වන Difesa Online වාර්තා කර ඇත.
මෙම තත්ත්වය දිගටම පැවතුනහොත් එය පාකිස්තානයට බරපතල අවදානමක් ඇති කරනු ඇති අතර එමඟින් තම ජාතික අහස ආරක්ෂා කර ගැනීම දුෂ්කර වනු ඇති බව පැවසේ.
පාකිස්තානය, 2017 දී, පොලවේ සිට ගුවනට එල්ල කරන HQ-16 (LY-80) මිසයිල අත්පත් කර ගත් අතර මෙය පාකිස්තානයේ ප්‍රධාන ආරක්ෂක පද්ධතියකි.
