මතභේදයට තුඩු දී ඇති දේශසීමාවේ ඉන්දියාව සහ චීනය යන දෙඅංශයේම මිලිටරි ක්රියාකාරකම් පුළුල් කිරීම ඔස්සේ, න්යෂ්ටික බලවතුන් දෙපළ අතර සන්නද්ධ ගැටුමක අවදානම ඉහළ නංවන බව එක්සත් ජනපද බුද්ධි ප්රජාවේ වාර්ෂික තර්ජන තක්සේරුව පවසයි.
එක්සත් ජනපද බුද්ධි වාර්තාවට අනුව මෙමගින් එක්සත් ජනපද වැසියන්ට සහ ඔවුන්ගේ අවශ්යතාවලට සෘජු තර්ජන සිදු විය හැකි අතර, එක්සත් ජනපද මැදිහත්වීමක් සඳහාද කැඳවීම් ලැබිය හැකිය.
2020 දී, දශක ගණනාවකට පසු ඇති වූ බරපතලම ගැටුමෙන් පසුව ඉන්දීය-චීන සබඳතා තවදුරටත් නොසන්සුන් වනු ඇති බව වාර්තාව පවසයි.
ඉන්දීය ආරක්ෂක බුද්ධි අංශ මෑතකදී හමුදා සාමාජිකයන් චීන ජංගම දුරකථන භාවිත නොකරන බව සහතික කිරීම සඳහා ශක්තිමත් උපදේශනයක් නිකුත් කළේය.
චීනයේ නිෂ්පාදිත ජංගම දුරකථනවල අනිෂ්ට මෘදුකාංග සහ ඔත්තු මෘදුකාංග බුද්ධි ඒජන්සි විසින් සොයාගෙන ඇති බව අනාවරණය වී තිබෙන බැවින් හමුදාව මෙම උපදේශනය නිකුත් කළ බව ආරංචි මාර්ග පවසයි.
උපදේශනයට අමුණා ඇති ලැයිස්තුවේ සඳහන් “දුරකථන වෙනුවට වෙනත් දුරකථන වෙත මාරුවීම සිදු කරන ලෙස” ඔත්තු ඒජන්සි හමුදා නිලධාරීන්ගෙන් ඉල්ලා ඇත.
ඉන්දීය වාණිජ වෙළෙඳපොළේ පවතින චීන ජංගම දුරකථන අතර Vivo, Oppo, Xiaomi, One Plus, Honor, Real Me, ZTE, Gionee, ASUS සහ Infinix යන වර්ග වේ.
