ඉන්දියාවේ කොටි වැඩි වෙයි

ඉන්දියාව 2018 සහ 2022 අතර කොටි ගහනයේ 23.5% ක වැඩිවීමක් වාර්තා කර ඇති අතර, වනයේ සිටින සත්ව ගහනය 3,682 දක්වා ඉහළ ගොස් තිබේ.
ඒ අනුව ලෝකයේ කොටින්ගෙන් 75% කට ඉන්දියාව නිවහන වී තිබේ.
2018 දී ඉන්දියාවේ කොටි 2,197 ක් සිටියහ.
මෙම වැඩිවීම පෙන්නුම් කරන්නේ වසර 20 ක් පුරා ක්‍රියාත්මක කරනු ලැබූ විද්‍යාව පදනම් කරගත් ව්‍යාඝ්‍ර සංරක්ෂණ වැඩසටහනේ සාර්ථකත්වය බව විශේෂඥයෝ පවසති.
කොටින්ගෙන් 80%ක් (2,885) දැන් මධ්‍ය ප්‍රදේශ්, කර්නාටක, උත්තරාකන්ඩ්, මහාරාෂ්ට්‍ර, තමිල්නාඩු සහ ඇසෑම් ඇතුළු ප්‍රාන්ත 18න් අටක වාසය කරති.
මධ්‍ය ප්‍රදේශ්හි වැඩිම ව්‍යාඝ්‍ර ගහනය, 785 ක් සිටින අතර, ඉන් පසුව කර්නාටක ප්‍රාන්තයේ 563 ක් සහ මහාරාෂ්ට්‍ර ප්‍රාන්තයේ 444 කි.
උත්තරාකාන්ද් හි කෝබට් ජාතික වනෝද්‍යානය වැඩිම කොටි සංඛ්‍යාවක් වාසය කරන ස්ථානය වන අතර එම ගණන 260කි.
ගෝලීය වශයෙන්, 2016 දී කොටි සංඛ්‍යාව 3,890 සිට 2023 දී 5,575 දක්වා ඉහළ ගොස් ඇති අතර ඉන්දියාව සහ නේපාලය එම සංඛ්‍යාව දෙගුණ කර ඇති බව ගෝලීය කොටි සංසදය නිවේදනය කළේය.