චීනයේ ප්‍රජාතන්ත්‍රවාදයට සහය පළ කරමින් ප්‍රචාරක දැන්වීම් පතුරුවා හරිමින් සිටි පුද්ගලයෙකුට අපහාස කිරීම සම්බන්ධයෙන් එක්සත් ජනපදයේ රැදී සිටින චීන සිසුවෙකු අත්අඩංගුවට ගත් බව එක්සත් ජනපද අධිකරණ දෙපාර්තමේන්තුව ප්‍රකාශ කළේය.
අධිකරණ දෙපාර්තමේන්තුව මාධ්‍ය නිවේදනයක් නිකුත් කරමින් කියා සිටියේ චීනයේ ප්‍රජාතන්ත්‍රවාදයට පක්ෂව සහය පළ කළ පුද්ගලයෙකුට තර්ජනය කිරීම සහ හිරිහැර කිරීම සම්බන්ධයෙන් බර්ක්ලී සංගීත විද්‍යාලයේ චීන ජාතික ශිෂ්‍යයෙකු අත්අඩංගුවට ගෙන ඔහුට චෝදනා එල්ල කර ඇති බවයි.
බලධාරීන් විසින් මෙම සිසුවා හඳුනාගෙන ඇත්තේ 25 හැවිරිදි ශියෝලේ වූ ලෙසිනි.
ඔහුට ලුහුබැඳීම සම්බන්ධයෙන් එක් චෝදනාවක් එල්ල වී ඇති අතර මැසචුසෙට්ස් හි බොස්ටන්හි ෆෙඩරල් උසාවියට ඉදිරිපත් කිරීමට නියමිත බව නිවේදනයේ වැඩිදුරටත් සඳහන් වේ.
අධිකරණ දෙපාර්තමේන්තුව සෑම විටම නිදහස් භාෂණයේ සහ දේශපාලන ප්‍රකාශනයේ යෙදීමේ අයිතිය ආරක්ෂා කරනු ඇති බවත් වූගේ තර්ජනාත්මක සහ හිරිහැරකාරී හැසිරීම් චීනයට විරුද්ධ වන ක්‍රියාකාරිකයාගේ ප්‍රකාශිත අදහස් නිශ්ශබ්ද කිරීමට සහ බිය ගැන්වීමේ උත්සාහයක් බවත් එක්සත් ජනපද නීතිපති දෙපාර්තමේන්තුව පවසයි.
