රටේ ආර්ථිකය බිද වැටීමේ අර්බුදයට මුහුණදීම සහ උද්ධමනය පාලනය කිරීම සඳහා, පාකිස්තාන රජය සතු ලැයිස්තුගත ආයතනවල කොටස් මිත්ර රටවලට ආපසු මිලදී ගැනීමේ විකල්පයක් සමඟ විකිණීම සඳහා වන නීති සංශෝධනය කිරීමට සූදානම් වේ.
පාකිස්තාන මුදල් අමාත්ය මිෆ්තා ඉස්මයිල් සදහන් කරන්නේ,වත්මන් මූල්ය වර්ෂය සඳහා ජාත්යන්තර මූල්ය අරමුදල (IMF) විසින් ඇස්තමේන්තු කර ඇති ඩොලර් බිලියන 4 ක මූල්ය පරතරයේ කොටසක් පියවා ගැනීමට උපකාර කිරීම සඳහා මෙම පියවර ගන්නා බවයි.
කොටස් හුවමාරුවක් හරහා රජය සතු ව්යවසාය ( SOEs) කොටස් මිත්ර රටකට විකිණීමට සුදුසු පරිදි SOEs ආශ්රිත නීති වෙනස් කිරීම සහ ෆෙඩරල් රජයට අයත් LNG මත පදනම් වූ බල ව්යාපෘති දෙකක් වෙනත් මිත්ර රටකට විකිණීම සිදු කරනු ඇති බව සදහන් වේ.
රජයෙන් රජයට පදනම මත මිත්ර රටවලට ආපසු මිලදී ගැනීමේ විකල්පය IMF විසින් ඉස්මතු කරන ලද ඩොලර් බිලියන 4 ක මූල්ය පරතරයෙන් කොටසක් පියවා ගැනීමට උපකාරී වනු ඇතැයි අමාත්යවරයා සදහන් කර තිබේ.
ඉදිරි සති කිහිපය තුළ ආනයන තහනම ඉහළ නංවනු ඇති බවත් ජාත්යන්තර මූල්ය අරමුදල සමඟ ඇති කර ගත් කාර්ය මණ්ඩල මට්ටමේ ගිවිසුම යටතේ සියලු පියවර අවසන් කර ඇති බවත් සදහන් වේ.
