ලොව පුරා ඛලිස්තානි ගැති ක්‍රියාකාරකම්වල තියුණු වැඩිවීමක් මධ්‍යයේ, ඛලිස්තාන්වරුන් අන්තවාදය සහ ප්‍රචණ්ඩත්වය ප්‍රවර්ධනය කිරීම සඳහා බටහිර ප්‍රජාතන්ත්‍රවාදය භාවිතා කරන ආකාරය සම්බන්ධයෙන් නවතම වාර්තාවක් පසුගියදා එළිදක්වනු ලැබුවා.
වාර්තාවට අනුව සත්‍යය නම් විදේශයන්හි වෙසෙන බහුතරයක් සීක් ජාතිකයන් සහ ඉන්දියානුවන් අන්තවාදයට සහ වෙනම ඛලිස්තානයක් ඉල්ලා සිටීම සඳහා සහාය නොදක්වන බවයි.
බ්ලූම් වාර්තාව අවධාරණය කරන්නේ, ඛලිස්තාන් අරමුණට සහාය දක්වන එක්සත් රාජධානියේ සීක් ප්‍රජාව ඉතා සුළුතරයක සිටින නමුත් ඔවුන් ප්‍රචණ්ඩත්වය, හිරිහැර කිරීම් සහ ඔවුන්ගේ බලපෑම භාවිතා කර අනෙකුත් මධ්‍යස්ථ සහ සාමකාමී සීක්වරුන්ට ඔවුන්ගේ මතවාදයට සහය වීමට බල කරන බවයි.
සමහර සීක් ආගමික ස්ථාන ඛලිස්තානිවාදීන් විසින් අත්පත් කරගෙන ඇති බවත්, එම ස්ථාන පාකිස්තානය සතුටු කිරීම සඳහා ප්‍රචණ්ඩත්වයේ සහ වෛරී ප්‍රචාරණයේ මෙවලම් ලෙස භාවිතා කරන බව වාර්තාවෙන් පැහැදිලිව පෙන්වා දී ඇතැයි විදෙස් මාධ්‍ය වාර්තා කර තිබුණි.
බටහිර ප්‍රජාතන්ත්‍රවාදය මෙම අන්තවාදීන්ට කතා කිරීමේ නිදහස ඕනෑවට වඩා ලබා දෙන බවත්, මෙම අන්තවාදීන්ට ඔවුන්ගේ වෛරයේ සහ වෙන්වීමේ පණිවිඩය නිදහසේ ප්‍රචාරය කිරීමට ඉඩ සලසන බවටත් වාර්තාවෙන් චෝදනා කර තිබේ.
කැනේඩියානු නීතිය මගින් ආගමික ආයතනවල මුදල් ප්‍රශ්න කිරීමට ඉඩ නොදෙන අතර, ඛලිස්තාන් අන්තවාදීන් මෙම නීතියම අවකාශය තම මුදල් අන්තවාදී න්‍යාය දියත් කිරීමට කිරීමට යොදා ගන්නා අයුරු වාර්තාවේ දැක්වේ.
බටහිර ප්‍රජාතන්ත්‍රවාදයේ සිදුරුවලින් රිංගන ඛලිස්තාන් අන්තවාදීන්
