චීන කොමියුනිස්ට් පක්ෂයේ දේශපාලන මණ්ඩලයේ ස්ථාවර කමිටුවේ ෂී ජින් පිං ගේ ඉහළම සහායකයින් හට උසස් තනතුරු හිමිවූ නමුත් වසර ගණනාවකට පසු පළමු වරට කිසිදු කාන්තාවකට ඉහළ නායකත්ව තනතුරක් ලබා ගැනීමට නොහැකි වී ඇති බව රාජ්‍ය මාධ්‍ය විසින් නිකුත් කරන ලද ලැයිස්තුවෙන් පෙන්වා දෙයි.
කොමියුනිස්ට් පක්ෂයේ ෂී ජින් පිං විසින් පක්ෂයේ නව මධ්‍යම නායකත්වය පසුගියදා බීජිං හි මහජන මහා ශාලාවේදී මාධ්‍ය හමුවක් පවත්වමින් ඉදිරිපත් කළ අතර එහිදී ඔහු ජනාධිපති ලෙස ඓතිහාසික තෙවන වාරයක් ලබා ගනු ලැබීය.
චීන කොමියුනිස්ට් පක්ෂයේ (CPC) 20 වැනි මධ්‍යම කාරක සභාවේ ප්‍රධාන ලේකම්වරයා ලෙස ෂී ජින්පින්ග් කමිටුවේ පළමු පූර්ණ සැසියේදී තේරී පත් වූ බව Xinhua වාර්තා කරනු ලැබීය.
ෂී ගේ ප්‍රධානත්වයෙන් පැවති චීන කොමියුනිස්ට් පක්ෂයේ (CPC) 20 වැනි මධ්‍යම කාරක සභාවේ සැසියට මධ්‍යම කාරක සභාවේ සාමාජිකයින් 203 දෙනෙකු සහ විකල්ප සාමාජිකයින් 168 දෙනෙකු සහභාගී වූහ.
CPC මධ්‍යම කාරක සභාවේ දේශපාලන කාර්යාංශයේ ස්ථාවර කමිටුවේ සාමාජිකයින් ලෙස ලී කියොන්ග්, ශාඕ ලෙජි, වෑන් හුනින්, කයි කී, ඩින් ශුඒශින් සහ ලී ෂී තේරී පත් වූහ.
