චීනයේ ඔත්තු බැලීමේ බැලුනයක් එක්සත් ජනපදය විසින් සොයා ගැනීමත් සමග දෙරට අතර සබඳතා වැඩි දියුණු කර ගැනීමට පැවති කුඩා හෝ අවස්ථාවක් පවා අහිමි වී ඇතැයි විදෙස් මාධ්‍ය වාර්තා කරයි.
මීට මාසයකට පෙර එක්සත් ජනපද රාජ්‍ය ලේකම් ඇන්ටනි බ්ලින්කන් පිළිගැනීමට සූදානම් වෙමින් සිටි චීන ජනාධිපති ෂී ජින්පින්, මෙම සතියේ අනතුරු ඇඟවූයේ, එක්සත් ජනපදය “චීනය සීමා කිරීම, වටලෑම සහ මර්දනය” අනුගමනය කරන බවටයි.
මිලිටරි භාවිතයේ අවදානම් සඳහන් කරමින්, දියුණු දත්ත ගබඩා වෙළඳාම ඉලක්ක කර ගනිමින් ජනාධිපති ජෝ බයිඩන්ගේ පරිපාලනය චීනය කෝපයට පත් කර ඇති අතර, එක්සත් ජනපදයේ ස්වරය ලබන වසරේ ජනාධිපතිවරනය ළං වන විට වඩාත් දරුණු වනු ඇතැයි අපේක්ෂා කෙරේ.
යුක්රේනයේ යුද්ධයට උදව් කිරීම සඳහා රුසියාවට මිලිටරි ආධාර ලබා දීමට බීජිනය සලකා බලමින් සිටිනවා යැයි කියනු ලබන බුද්ධි තොරතුරු මත චීනයට එරෙහි නව සම්බාධක පනවන බවට එක්සත් ජනපදය අනතුරු අඟවා ඇත.
චීනය විසින් ගුවන්ගත කරන ලද ඔත්තු බැලීමේ බැලුනයක් මීට මාසයකට පෙර එක්සත් ජනපද ආරක්ෂක අංශ විසින් වෙඩිතබා බිම හෙළන ලදී.
