සංචාරක ශ්‍රී ලංකා කණ්ඩායම සහ ඉන්දීය කණ්ඩායම අතර පැවැත්වෙන පන්දු වාර විස්සයි විස්ස පළමු තරගය අද (24) පැවැත්වෙනවා.
රාත්‍රී 7.00ට තරගය ආරම්භ වීමට නියමිත අතර කුසල් මෙන්ඩිස් සහ මහීෂ් තීක්ෂණ ද අද තරගයට සහභාගී වීම අවිනිශ්චිත බවයි වාර්තා වන්නේ.
කොවිඩ් ආසාදනය වූ වනිඳු හසරංග ද මේවන විටත් සිටින්නේ ඕස්ට්‍රේලියාවේයි.
පන්දුවාර 20 තරග 03 ක් සහ ටෙස්ට් තරග 02 ක් ඊට ඇතුළත්.
පළමු පන්දුවාර 20 තරගය අද රාත්‍රී 07 ට ලක්නව් හිදි ආරම්භ වනවා.
දෙවන තරගය ලබන සෙනසුරාදාත් 03 වන තරගය ලබන ඉරිදාත් ධරම්සාලා හිදී පැවැත්වෙනු ඇති.
තරග 02 කින් සමන්විත ටෙස්ට් තරගාවලිය ආරම්භ වන්නේ ලබන මාර්තු 04 වනදායි.
මේ අතර අද පැවැත්වෙන විස්සයි විස්ස තරගය සඳහා ශ්‍රී ලංකා ක්‍රිකට් කණ්ඩායමේ සූදානම සම්බන්ධයෙන් ඊයේ පැවති මාධ්‍ය හමුවේදී නායක දසුන් ශානක අදහස් පළකලා.
ඒ අනුව කණ්ඩායමේ සෙසු ක්‍රීඩකයන් සමග ඉන්දියාවට එරෙහිව හොද තරගාවලියක් ලබා දීමට බලාපෙරොත්තු වන බවයි ඔහු එහිදී සඳහන් කළේ.
