ලංකා ප්‍රීමියර් ලීග් තරගාවලියේ කලම්බෝ ස්ටාර්ස් කණ්ඩායම සහ කැන්ඩි වෝරියර්ස් කණ්ඩායම් අතර තරගය අද (17) කොළඹ ආර්. ප්‍රේමදාස ක්‍රීඩාංගණයේ රාත්‍රී 7.30ට ආරම්භ වීමට නියමිත වේ.
මෙම තරගය කණ්ඩායම් දෙකටම තිරණාත්මක වන අතර අද ජයග්‍රහණය කරන කණ්ඩායම අවසන් පූර්ව වටයය සුදුසුකම් ලබයි.
කෙසේ වෙතත් මේ වන විට තරගාවලියේ ලකුණු සටහනට අනුව ජැෆ්නා කින්ග්ස්, ගෝල් ග්ලැඩියේටර්ස් සහ දඹුල්ල ජයන්ට්ස් යන කණ්ඩායම් අවසන් පූර්ව වටයට සුදුසුකම් ලබා සිටී.
මෙි අතර ලංකා ප්‍රීමියර් ලීග් තරගාවලිය යටතේ ඊයේ (16) පැවති තරගයකින් සුපිරි ජයක් වාර්තා කිරීමට ජැෆ්නා කිංග්ස් කණ්ඩායම සමත්විය.
ඒ කළම්බු ස්ටාර්ස් කණ්ඩායම පන්දුවාර 15 යි පන්දු 5 ක් තුළ ලකුණු 91 කට සීමා කරමින්ය.
ජැෆ්නා කණ්ඩායම නියමිත පන්දුවාර 20 තුළ කඩුලු 5ක් දැවී ලකුණු 193ක් රැස් කළ අතර ඒ අනුව ඔවුන්ට ලකුණු 102ක ජයක් හිමිවිය.
දඹුල්ල ජයන්ට්ස් කණ්ඩායම සමග පැවැති තරගයෙන් කඩුලු 06 ක ජයක් හිමිකර ගැනීමට කැන්ඩි වොරියර්ස් කණ්ඩායම සමත් වුණි.
කාසියේ වාසිය දිනා ගෙන තරගයේ පළමුවෙන් පන්දුවට පහරදුන් දඹුල්ල ජයන්ට්ස් කණ්ඩායම නියමිත පන්දුවාර 20 අවසානයේ කඩුලු 09ක් දැවී ලකුණු 130ක් ලබා ගත්තේය.
පිළිතුරු ඉනිම සඳහා පිටියට පිවිසි කැන්ඩි වොරියර්ස් කණ්ඩායම පන්දු වාර 19යි පන්දු 02ක් තුළ කඩුලු 04ක් පමණක් දැවී ජයග්‍රහණය වාර්තා කළේය.
