ශ්‍රී ලංකා තුන් ඉරියව් ක්‍රිකට් ක්‍රීඩක ජීවන් මෙන්ඩිස් ජාත්‍යන්තර ක්‍රිකට් පිටියට සමුදීමට තීරණය කර තිබෙනවා.
ට්විටර් පණිවුඩයක් නිකුත් කරමින් ඔහු මේ බව සඳහන් කළා.
ඔහු එක්දින තරඟ 58කට හා 20-20 තරඟ 22කට ක්‍රීඩා කර තිබෙනවා.
ඔහු අවසන් වරට 2019 වර්ෂයේ පැවති එක්දින ලෝක කුසලාන ක්‍රිකට් තරඟාවලියට සහභාගී වෙමින් ශ්‍රී ලංකාව නියෝජනය කළා.
2010 වසරේදී ජාත්‍යන්තර ක්‍රිකට් වරම් හිමිකරගත් ජීවන් මෙන්ඩිස් එක්දින ජාත්‍යන්තර තරඟ 58කට සහභාගී වී කඩුළු 28ක් සහ ලකුණු 636ක් ලබා ගෙන තිබේ.
එමෙන්ම ඔහු විස්සයි20 ජාත්‍යන්තර තරඟ 22කට සහභාගී වි ඇති අතර එහිදි කඩුළු 12ක් සහ ලකුණු 207ක් රැස් කරගෙන තිබුණි.
ඔහු විසින් අවසන් වරට ජාත්‍යන්තර එක්දින තරඟයකට සහභාගී වී ඇත්තේ පසුගිය 2019 වර්ශයේදී ජූනි මාසයේ දකුණු අප්‍රිකාව සමග පැවති තරඟයකටය.
