නවසීලන්ත ක්‍රිකට් ක්‍රීඩක රොස් ටේලර් ජාත්‍යන්තර ක්‍රිකට් දිවියට සමුදීමට තීරණය කර තිබෙනවා එළඹෙන නවසිලන්ත බංග්ලාදේශ ටෙස්ට් තරගාවලිය ටේලර් ගේ අවසන් ටෙස්ට් තරඟාවලිය වනවා.
එමෙන්ම ඕස්ට්‍රේලියාව හා නෙදර්ලන්තය සමග පැවැත්වෙන එක්දින ජාත්‍යන්තර තරග 6 කට අවසන් වශයෙන් රොස් ටේලර් ක්‍රීඩා කිරීමට නියමිතයි. නවසීලන්තයේ දි පැවැත්වෙන මෙම තරඟාවලි වලින් අනතුරුව ජාත්‍යන්තර ක්‍රිකට් දිවියෙන් තමන් සමුගන්නා බව සිය Twitter සටහනක් මගින් රොස් ටේලර් ප්‍රකාශයට පත් කළා.
ලබන අප්‍රේල් සහ මාර්තු මාසවල ඔස්ට්‍රේලියාව සහ නෙදර්ලන්ත කණ්ඩායම් සමග පැවැත්වෙන තරගාවලිය රොස් ටේලර් නවසීලන්ත කණ්ඩායම නියෝජනය කරමින් සහභාගී වන අවසන් එක්දින තරගාවලිය වනවා.
37 හැවිරිදි රොස් ටේලර් 2007 වසරේ සිට ටෙස්ට් තරග 110කට සහභාගී වී ලකුණූ 7584ක් රැස්කර කර ගත්තා.
නවසීලන්ත කණ්ඩායම වෙනුවෙන් එක්දින තරග 233කට සහ 20යි 20 තරග 102කට ඔහු සහභාගී වී තිබෙනවා.
ඔහු වැඩිදුරටත් දක්වා ඇත්තේ තම රට නියෝජනය කිරීමට ලැබීම ගැන තමන් ආඩම්බර වන බවයි.
