ඇෆ්ගනිස්ථාන කාන්තාවන් කණ්ඩායමක් මානව හිමිකම් සහ කාන්තා අයිතිවාසිකම් සඳහා සටන් කිරීමට කාන්තා විප්ලවයක් දියත් කරන බව පසුගියදා නිවේදනය කර ඇතැයි ඇෆ්ගනිස්ථාන පුවත් ඒජන්සිය වන Khaama Press වාර්තා කර ඇත.
එහි එක් සංවිධායකවරියක වන ඩොන්යා සාෆි පවසන පරිදි, මෙම ව්යාපාරය ” මූලික අයිතිවාසිකම් සඳහා ප්රවේශය පුරවැසියන් සඳහා බරපතල අවශ්යතාවයක් වන බැවින් පුරවැසියන්ගේ, විශේෂයෙන්ම කාන්තාවන්ගේ මූලික අයිතිවාසිකම් ආරක්ෂා කිරීම, ” අරමුණු කර ඇත.
මෙම ව්යාපාරය ආරම්භ කළේ කාන්තාවන්ට එරෙහි අසාධාරණයට සහ අසමානතාවයට එරෙහිව සටන් කිරීමට බව ඇය Khaama Press වෙත පවසා ඇත.
ව්යාපාරයේ ආධාරකරුවන් අතර ශිෂ්යාවන්, ගුරුවරියන් සහ කාන්තා අයිතීන් වෙනුවෙන් සටන් කරන හිටපු රජයේ සේවිකාවන් පිරිසක් සිටින බව සාෆි පෙන්වාදී තිබේ.
සාෆිට අනුව සමාජය ඉදිරියට යා හැක්කේ කාන්තාවන්ගේ දායකත්වයෙන් පමණි. එහි ප්රතිඵලයක් ලෙස කාන්තාව සමාජයට දායක නොවුණහොත් සමාජය දියුණුවක් ඇති නොවේ. රටේ ප්රගතිය සඳහා කාන්තාවන්ගේ අත්යවශ්ය කාර්යභාරය තිබියදීත්, වත්මන් තලේබාන් රජයට සහභාගී වීමට කාන්තාවන්ට අවසර නැත.
තලේබාන් සංවිධානය විසින් පනවා ඇති තහනම හේතුවෙන් ඇෆ්ගනිස්ථාන කාන්තාවන් අධ්යාපනය සම්බන්ධ අභියෝග සමඟ දිගටම පොරබදමින් සිටින අතර, එක්සත් ජාතීන්ගේ මහලේකම් ඇන්ටෝනියෝ ගුටරෙස් මෑතකදී ප්රකාශයක් කරමින් කියා සිටියේ යුද්ධයෙන් විනාශ වූ ඇෆ්ගනිස්ථානයේ කාන්තාවන් ඔවුන්ගේම රටේ පිටුවහල්ව ජීවත් වන බවයි.
