Tuesday, March 5, 2024

වියට්නාමය චීන ගුවන් ගමන් කල් දමයි

චීනය එරට සංචාරකයින්ට වියට්නාමය වෙත පැමිණීමට අවසර ලබා දීමේ තීරණය ලැබෙන තුරු වියට්නාම ගුවන් සේවය චීනය වෙත ගුවන් ගමන් නැවත ආරම්භ කිරීම අප්‍රේල් හෝ මැයි දක්වා කල් දමා ඇතැයි වියට්නාමයේ සිවිල් ගුවන් සේවා අධිකාරිය පවසා ඇත.

පෙබරවාරි මැද භාගයේදී චීනය රටවල් 20ක සංචාර සඳහා නැවත අවසර ලබා දෙන බව නිවේදනය කළේය. කෙසේ වෙතත්, වියට්නාමය මෙම ලැයිස්තුවෙන් බැහැර කර ඇති අතර, එය වියට්නාම ගුවන් සේවයේ පියාසැරි සැලසුම් වලට බලපෑවේය.

මීට පෙර, චීනය 2023 ජනවාරි 8 වන දින නිත්‍ය ජාත්‍යන්තර ගුවන් ගමන් සඳහා වූ සීමාවන් ඉවත් කිරීමෙන් පසුව, වියට්නාම ගුවන්සේවාවන් ව්‍යාපාරික මගීන්, ඥාතීන් බැලීමට පැමිණෙන අය සහ විදේශයන්හි අධ්‍යාපනය ලබන සිසුන් කෙරෙහි අවධානය යොමු කරමින් ද්විපාර්ශ්වික සංචාරක ව්‍යාපාරය යථා තත්ත්වයට පත් කිරීම සඳහා චීනය වෙත ගුවන් ගමන් සඳහා සැලසුම් සකස් කර තිබිණි.

වියට්නාම් ප්‍රවෘත්ති වලට අනුව අප්‍රේල් මාසයේ සිට ගුවන් ගමන් සංඛ්‍යාව ක්‍රමයෙන් වැඩි වනු ඇතැයි අපේක්ෂා කරන ලදී.
කෙසේ වෙතත්, චීනයේ නව ප්‍රතිපත්තිය හේතුවෙන්, චීනයේ මීළඟ තීරණය මත පදනම්ව, ගුවන් ගමන් නැවත ආරම්භ කිරීම අප්‍රේල් අග හෝ මැයි දක්වා තාවකාලිකව කල් දැමීමට වියට්නාමය තීරණය කර ඇත.

කොවිඩ්-19 වසංගතයට පෙර, 2019 දී, වියට්නාමයේ සහ චීනයේ ගුවන් සමාගම් 14ක් විසින් දෙරට අතර ගුවන් ගමන් ක්‍රියාත්මක කරනු ලැබීය.

ඒ අතර, චීන ගුවන් සේවාවන් 11ක් චීනයේ ගමනාන්ත 14 ක සිට වියට්නාමයේ ගමනාන්ත 5ක් වෙත ගුවන් ගමන් 32ක් ක්‍රියාත්මක කළ අතර සතියකට සිදුකළ මුළු ගුවන් ගමන් සංඛ්‍යාව 240ක්. වියට්නාම ගුවන් සේවාවන් තුනක් (වියට්නාම් එයාර්ලයින්ස්, ජෙට්ස්ටාර් පැසිෆික් එයාර්ලයින්ස් සහ වියට්ජෙට් එයාර්) වියට්නාමයේ ගමනාන්ත පහක සිට චීනයේ ගමනාන්ත 48 කට ගුවන් ගමන් 72ක් බැගින් සතියකට මුළු ගුවන් ගමන් 421ක් ක්‍රියාත්මක කරන ලදී.

Related Articles

LEAVE A REPLY

Please enter your comment!
Please enter your name here

Latest Articles