Monday, May 27, 2024

ජපන් සකුරා කාශ්මීරයේ පිපෙයි

කාශ්මීර නිම්නයේ සංචාරක ව්‍යාපාරය ගෝලීය මට්ටමින් ප්‍රවර්ධනය කිරීමේ අරමුණින් ජම්මු හා කාශ්මීර රජය සංචාරක යටිතල පහසුකම් තවදුරටත් වැඩිදියුණු කරමින් සංචාරක සිතියමට නව ස්ථාන ඇතුළත් කිරීම සඳහා නව පියවර ගනිමින් සිටී.

ඒ යටතේ තවත් සුවිශේෂී ඉදිරි පියවරක් තබමින්, ජපන් සකුරා උද්‍යානයක් ශ්‍රීනගර් හි පිහිටුවීමේ සියලු කටයුතු අවසන් කර ඇති බව වාර්තා සඳහන් කරයි.

මේ වෙනුවෙන් ජපාන නිලධාරීන් සමග ඉන්දීය විදේශ කටයුතු අමාත්‍යාංශ සහ මල් වගා දෙපාර්තමේන්තුවේ නිලධාරීන් එක්ව කටයුතු කර තිබේ.

“මෙය ඉතා හොඳ පියවරක්, එය මෙහි සංචාරක ව්‍යාපාරය නංවනු ඇති අතර අපගේ ආර්ථිකය ද වර්ධනය කරනු ඇති, ”ශ්‍රීනගර් හි පදිංචි ගුලාම් අහමඩ් ජනමාධ්‍යවේදීන් හමුවේ පවසා ඇත.

“සකුරා උද්‍යානය” රුපියල් කෝටි 10 ක ව්‍යාපෘතියක් වන අතර නරඹන්නන් සඳහා වඩාත් ආකර්ශනීය හා දර්ශනීය කිරීමට ශ්‍රීනගර් හි ටියුලිප් උද්‍යානය පුළුල් කිරීමේ සැලැස්ම යටතේ ක්‍රියාත්මක වෙයි.

මෙම ව්‍යාපෘතිය සඳහා පහසුකම් සපයනු ලබන්නේ ඉන්දීය රජයේ විදේශ කටයුතු අමාත්‍යාංශය විසිනි.

Related Articles

LEAVE A REPLY

Please enter your comment!
Please enter your name here

Latest Articles