Friday, March 29, 2024

පාකිස්ථානය අවපාතයකට ඇද වැටීමේ අවදානමක

පකිස්ථානයේ පවතින දේශපාලන හා ආර්ථික කැලඹීම් සහ ජාත්‍යන්තර මූල්‍ය අරමුදලේ ණය සහන වැඩසටහනේ බහුවිධ ප්‍රමාදයන්, රට අවපාතයකට තල්ලු කරනු ඇතැයි බ්ලූම්බර්ග් සමීක්ෂණයක් පෙන්වා දෙයි.

ආර්ථික විද්‍යාඥයින් 27 දෙනෙකුගෙන් යුත් බ්ලූම්බර්ග් සමීක්ෂණයේ මධ්‍ය පුරෝකථනයට අනුව ආර්ථිකය අවපාතයකට ඇද වැටීමේ සම්භාවිතාව සියයට 70 ක් වේ.

අර්බුදකාරී පකිස්තානය, ණය ආපසු ගෙවීම නතර කිරීමට සිදු විය හැකි බවට කනස්සල්ල මතු කරමින්, පැහැර හැරීමක් වළක්වා ගැනීම සඳහා IMF අරමුදල් ලබා ගැනීමට නියමිත කාලසීමාවන් කිහිපයක් සපුරාලීමට අපොහොසත් වී ඇත.

IMF වැඩසටහන අනුමත කර ගැනීම සඳහා, බලධාරීන් විසින් බදු ඉහළ දැමීම, බලශක්ති සහනාධාර කපා හැරීම සහ 25 වසරකට පසු ඉහළම අගයකට පොලී අනුපාත ඉහළ නැංවීම වැනි ක්‍රියාමාර්ග ගෙන ඇති නමුත් සමහර ගැටලු තවමත් විසඳා නොමැත.

කඩිනමින් මැතිවරණයක් ඉල්ලා සිටින හිටපු අගමැති ඉම්රාන් ඛාන් අත්අඩංගුවට ගැනීමට පොලිසිය උත්සාහ කිරීමත් සමඟ ගැටුම් හේතුවෙන් පාකිස්තානයේ දේශපාලන අර්බුදය උත්සන්න වී තිබේ.

පකිස්ථානයට ආර්ථිකය පුනර්ජීවනය කිරීමට, පුලුල්ව පැතිරී ඇති හිඟය සමනය කිරීමට සහ එහි විදේශ මුදල් සංචිත නැවත ගොඩනඟා ගැනීමට අරමුදල් අවශ්‍ය වේ. රටේ දැනට පවතින ඩොලර් සංචිතය මාසයක ආනයන සඳහා හෝ ප්‍රමාණවත් නොවේ.

Related Articles

LEAVE A REPLY

Please enter your comment!
Please enter your name here

Latest Articles