ඉන්දියාවේ ජම්මු සහ කාශ්මීරයේ පාලන රේඛාව හරහා ආක්‍රමණ හෝ අනවසරයෙන් ඇතුළුවීම සැලකිය යුතු ලෙස අඩු වී ඇති බව අනාවරණය වේ.
ඒ අනුව 2018 සහ 2021 අතර කාලය තුළ දී දේශසීමාවේ අනවසරයෙන් ඇතුළුවීම් වාර්තා වී ඇත්තේ 366 ක් පමණක් බව සදහන් වේ.
ඉන්දියාවේ ස්වදේශ කටයුතු පිළිබඳ රාජ්‍ය අමාත්‍ය නිත්‍යානන්ද රායි මෙම කරුණු හෙළිකර ඇත්තේ එරට පාර්ලිමේන්තුවට සිදුකරන ලද කරුණු දැක්වීමක දීය.
කෙසේවෙතත්, තවමත් ත්‍රස්තවාදීන් යැයි සැකකෙරෙන සැලකිය යුතු පුද්ගලයන් සංඛ්‍යාවක් කාශ්මීර දේශසීමාවට නුදුරින් පාකිස්ථානයේ හෝ පාකිස්ථානු කාශ්මීරයේ විවිධ ස්ථානවල රැඳී සිටින බව නිරීක්ෂණය වී ඇතැයි ද ඔහු මෙහිදී පැවසීය.
