Thursday, April 25, 2024

ලන්ඩන් වීථි ඉන්දියන් සාරියෙන් වැසේ

එක්සත් රාජධානියේ ඉන්දියානු සම්භවයක් ඇති කාන්තාවන් 700ක පමණ පිරිසක් ඔවුන්ගේ වටිනාම සාරිවලින් සැරසී අත්යන්ත්‍ර රෙදිපිළි දිනය සමරමින් ලන්ඩනයේ විචිත්‍රවත් පාගමනක නිරත වූහ.
‘British Women in Sarees’ නම් ලාභ නොලබන කණ්ඩායමක් විසින් සංවිධානය කරන ලද මෙම පාගමන ට්‍රැෆල්ගාර් චතුරශ්‍රයේ සිට පාර්ලිමේන්තු චතුරශ්‍රයේ මහත්මා ගාන්ධි ප්‍රතිමාව දක්වා පැවැත්වුණි.
සාරි හැඳගත් කාන්තාවන් ඩව්නිං වීදිය අසල වයිට්හෝල් හි මඟ දිගේ ගී ගයමින් සහ නටමින් මනස්කාන්ත දර්ශනයක් මැවූ බව බොහෝ දෙනා සමාජ මාධ්‍ය ගිණුම්වල සටහන් කර තිබුණේ එහි දර්ශන ද සමගිනි.
ගුජරාට් සම්ප්‍රදායික නැටුම්වන ගාර්බා සහ දන්දියාවේ සිට බොලිවුඩ් තාල ඉන්දියානු සම්භවයක් ඇති එක්සත් රාජධානියේ අගමැති රිෂි සුනක්ගේ ඩව්නිං වීදියේ නිවසින් පිටත දෝංකාර දුන් බව ටයිම්ස් ඔෆ් ඉන්දියා වාර්තා කර තිබුණි.
මෙම කාන්තාවන් ගුජරාට්, රාජස්ථාන්, බිහාර්, මහාරාෂ්ට්‍ර, ජම්මු සහ කාශ්මීර්, හිමාචල් ප්‍රදේශ්, උත්තරාකන්ද්, ඇසෑම් සහ කේරළ වැනි රටේ විවිධ ප්‍රාන්ත ඔවුන්ගේ සාරි හරහා නියෝජනය කළහ.
ඉන්දියාවේ අත්යන්ත්‍ර රෙදි වියන ප්‍රජාවට උපහාරයක් වශයෙන් ජාතික අත්යන්ත්‍ර දිනය වාර්ෂිකව අගෝස්තු 7 වන දින සමරනු ලබයි.

Related Articles

LEAVE A REPLY

Please enter your comment!
Please enter your name here

Latest Articles