Saturday, February 24, 2024

රුසියානු තෙල් ඉන්දියාව හරහා යුරෝපයට

යුරෝපා සංගමයේ රටවලට ඉන්දියාවේ ඛනිජ තෙල් නිෂ්පාදන අපනයනය ගිය වසරේ අප්‍රේල්-ජනවාරි මාසවල ටොන් මිලියන 11.6 දක්වා පෙර වසරට සාපේක්ෂව සියයට 20.4 කින් ඉහළ ගොස් තිබේ.

යුරෝපා සංගමය (EU) රුසියාවෙන් පිරිපහදු කළ පෙට්‍රෝලියම් නිෂ්පාදන ආනයනය නතර කිරීමත් සමග ඉන්දියානු පිරිපහදු කරන්නන්, විශේෂයෙන් පෞද්ගලික අංශයේ සමාගම්, එම ඉල්ලුම සපුරාලීමට මැදිහත් වී තිබේ.

යුරෝපීය සංගමය සහ අනෙකුත් බටහිර බලවතුන් විසින් ප්‍රතික්ෂේප කරන ලද රුසියානු බොරතෙල්, වට්ටම් සහිතව පවතින වෙළෙඳපොල මිලට වඩා අඩුවෙන් ලබා ගන්නා ඉන්දීය සමාගම්, ඒවා පිරිපහදු කර යුරෝපා වෙළෙඳපොළ වෙත යොමු කරයි.

Vortexa දත්ත වලට අනුව, ඉන්දියාව පෙබරවාරි මාසයේ දී දිනකට රුසියානු තෙල් බැරල් මිලියන 1.62 වාර්තාගත ලෙස ආනයනය කර ඇති අතර, එය ජනවාරි මාසයේ දිනකට බැරල් මිලියන 1.26 ට වඩා සියයට 29 කින් වැඩි වීමකි.

යුක්රේනයේ යුද්ධයට පෙර ඉන්දියාවට තෙල් සපයන ආන්තික සැපයුම්කරුවෙකු වූ රුසියාව, ජනවාරි මාසයේදී ඉන්දියාවේ විශාලතම බොරතෙල් ප්‍රභවය බවට පත්විය.

ලෝකයේ තුන්වන විශාලතම බොරතෙල් පාරිභෝගිකයා වන ඉන්දියාව, රටේ තෙල් අවශ්‍යතාවයෙන් සියයට 85 කට වඩා වැඩි ප්‍රමාණයක් සපුරාලීම සඳහා ආනයන මත රඳා පවතින අතර, වාර්ෂිකව ටොන් මිලියන 250 ක ඛනිජ තෙල් නිෂ්පාදන අපනයනය කරයි.

වට්ටම් සහිත රුසියානු තෙල් මිලදී ගැනීම් වේගවත් කර ඇති විශාල පිරිපහදු මධ්‍යස්ථානයක් ලෙස, ඉන්දියාව දැන් ගෝලීය බොරතෙල් සහ පිරිපහදු කළ නිෂ්පාදන සැපයුම් සිතියමේ වඩ වඩාත් ප්‍රමුඛ කාර්යභාරයක් ඉටු කරමින් සිටී.

Related Articles

LEAVE A REPLY

Please enter your comment!
Please enter your name here

Latest Articles