පෙට්‍රල් හා ඩීසල් රැගත් නැව් 04 ක් එළඹෙන 17 සහ 18 දිනවල පැමිණීමට නියමිතව තිබුණත් එම ඉන්ධන නැව් අවලංගු වී ඇති බව ‘දිවයින’ පුවත්පත වාර්තා කරයි.
එමෙන්ම ඊයේ දින මුතුරාජවෙල පර්යන්තය වෙත ඩීසල් මෙටි‍්‍රක් ටොන් 20,000 ක ප්‍රමාණයක් ගොඩබෑම සිදුකළත් එය ඉදිරි දින තුන හතරකට පමණක් ප‍්‍රමාණවත් බව එහි වාර්තා වේ.
තවද සපුගස්කන්ද පිරිපහදුව මගින් නිපදවනු ලැබූ ඩීසල් මෙටි‍්‍රක් ටොන් 7000 ක් පමණ තිබෙන බවත්, තව දින කිහිපයකින් බොරතෙල් අවසන්වීම නිසා එම පිරිපහදුවද නැවත නවතා දැමීමට සිදුවන බවත් එහි වැඩිදුරටත් වර්තකොට තිබේ.
