චීන රජය විසින් නීතිවිරෝධී ලෙස රඳවාගෙන සිටින සිරකරුවන්ගෙන් ලබාගත් මිනිස් අවයව විකිණීමේ ව්‍යාපාරය පාලනයකින් තොරව සිදුකරන බව ‘අත්තනෝමතිකත්වයට එරෙහි හඬ’ සංවිධානය(Voices Against Autocracy) වාර්තා කරයි.
ලොව පුරා සිටින වෛද්‍ය වෘත්තිකයන්, රජයන් සහ ලෝක සෞඛ්‍ය සංවිධානය (WHO) වැනි ගෝලීය ආයතන මෙම අමානුෂික සහ පිළිකුල් සහගත ක්‍රියාව අවසන් කිරීමට කටයුතු කළ යුතු බව එම සංවිධානය ඉල්ලා සිටී.
කෙසේ වෙතත්, චීන වෛද්‍ය ආයතන අතර වර්ධනය වන තරගකාරීත්වය සහ චීන නිලධාරීන්ගේ මුදල් කෑදරකම දුප්පත් චීන පවුල්වල තරුණයන් පැහැරගෙන ගොස් අවයව ලබා ගැනීම සඳහා ඔවුන් මරා දැමීම සඳහා හේතු වී ඇති බව අත්තනෝමතිකත්වයට එරෙහි හඬ සංවිධානය අනාවරණය කරයි.
එම සංවිධානය පෙන්වාදෙන ආකාරයට 1980 දශකය දක්වා චීනයේ මරා දමන ලද වැරදිකරුවන්ගේ සහ මියගිය සිරකරුවන්ගේ සිරුරු වලින් පමණක් අවයව නිස්සාරණය කිරීම සිදුවී තිබේ.
කෙසේ වෙතත්, චීන ජනාධිපති ජියැං සෙමින් විසින් භාවනාව, යෝග වැනි ශාරීරික ව්‍යායාම සහ දුම්පානයෙන් සහ මත්පැන් පානයෙන් වැළකීම තුළින් සරල හා සෞඛ්‍ය සම්පන්න ජීවිතයක් ගත කිරීමට විශ්වාස කරන ජනප්‍රිය සංවිධානයක් වන ෆාලුන් ගොං වෙත රටපුරා මර්දනයක් ආරම්භ කිරීමත් සමඟ මෙම නීතිවිරෝධී ක්‍රියාව වේගවත් වී තිබේ.
