යුරෝපා සංගමය තායිවානයේ අර්ධ සන්නායක සහ මයික්‍රොචිප් කර්මාන්තයට පිවිසීමට බලාපොරොත්තු වන බව වාර්තා වේ.
තායිවානය සමඟ වෙළඳ සබඳතා වැඩි දියුණු කිරීමට සහ එම දිවයිනේ අර්ධ සන්නායක අංශයට ප්‍රවේශ වීමට උනන්දුවක් දක්වන යුරෝපා සංගමය තායිවානයේ ආර්ථික කටයුතු පිළිබඳ අමාත්‍ය මේ-හුවා වෑන් සමඟ මේ පිළිබද සාකච්ඡාවක් පැවැත්වීමට නියමිතව තිබේ.
තායිවානය අර්ධ සන්නායක ක්ෂේත්‍රයේ ඉතා වැදගත් හවුල්කරුවකු බව යුරෝපා සංගම් වෙළඳ කොමසාරිස් වැල්ඩිස් ඩොම්බ්‍රොව්ස්කිස් පසුගිය මාසයේ යුරෝපීය පාර්ලිමේන්තුවට පැවසීය.
යුරෝපා සංගමයේ සහ බෙල්ජියමේ තායිවානයේ නියෝජිත කාර්යාලයේ මින්ග්-යෙන් සායි පැවසූයේ ඉදිරි සාකච්ඡා ගැන තමා සුබවාදීව සිටින බවත්, ප්‍රජාතන්ත්‍රවාදය, මානව හිමිකම්, නිදහස් වෙලඳපොලවල් සහ නීතියේ ආධිපත්‍යය යන ප්‍රධාන වටිනාකම් යුරෝපා සංගමය සහ තායිවානය සමග හුවමාරු කරගත් බවත් අවධාරණය කළේය.
ද්විපාර්ශ්වික සහයෝගීතාවය තවදුරටත් වර්ධනය කිරීම සඳහා දෙපාර්ශවයම පොදු අවශ්‍යතා පිළිබඳ කරුණු හුවමාරු කර ගනිමින් සාකච්ඡා පවත්වන අතරම දෙපාර්ශවයම වෙළඳ හා ආයෝජන සබඳතා ගැඹුරු කරනු ඇතැයි තායිවානය බලාපොරොත්තු වන බව ද ඔහු පැවසීය.
