ජනතාව පීඩාවට පත්ව සිටින කාලයක පහසුකම් සහ සේවා ගාස්තු අය කිරීමට ඇතැම් පාසල් කටයුතු කිරීම සම්බන්ධයෙන් විපක්ෂ නායක සජිත් ප්‍රේමදාස මහතා ඊයේ (01) ප්‍රකාශයක් සිදු කළේය.
කුලියාපිටිය සහ පඬුවස්නුවර ප්‍රදේශවල පාසල් දෙකක් නිදසුන් ලෙස ගනිමින් විපක්ෂ නායකවරයා මෙම කරුණ ඉස්මතු කළ අතර වහාම චක්‍රලේඛයක් නිකුත් කර ගාස්තු අය කිරීම නවතා දමන ලෙස අධ්‍යාපන අමාත්‍යවරයාගෙන් ඉල්ලා සිටියේය.
අමාත්‍ය දිනේෂ් ගුණවර්ධන මහතා එහිදී සඳහන් කළේ තමන් ඒ සඳහා මැදිහත් වන බවයි.
