රනිල් වික්රමසිංහ සහ ජනාධිපති ගෝඨාභය රාජපක්ෂගේ රජය අතර දේශපාලන සහජීවනයකට සූදානමක් පවතින බව විශ්වාස කටයුතු දේශපාලන ආරංචි මාර්ග පවසනවා. මුදල් අමාත්‍ය බැසිල් රාජපක්ෂ මහතා ඇතුළු දේශපාලනඥයන් කිහිප දෙනෙකුගේ සහභාගීත්වයෙන් මූලික සාකච්ඡා කිහිපයක්ම පවත්වා ඇති අතර වික්රමසිංහ මහතාගේ සහය වත්මන් ජනාධිපතිවරයාට සහ රජයට ලබා ගැනීම අරමුණ වී ඇති බව සඳහන් වන්නේ.
මෙම දේශපාලන සන්ධානය පිහිටුවීමට කොළඹ පිහිටි බලගතු විදේශ රාජ්‍ය තාන්ත්‍රික දූත මණ්ඩලයක් සෘජුවම සම්බන්ධ බව මෙහි ඉහළම රාජ්‍ය තාන්ත්‍රික මූලාශ්‍රයක් නිර්නාමික කොන්දේසිය මත තහවුරු කළේය.
මේ අතර, රටේ ගැඹුරින් මුල් බැස ඇති මූල්‍ය අර්බුදය විසඳීමට සහ දුර්වල වූ විදේශ සබඳතා ශක්තිමත් කිරීමට වික්රමසිංහ මහතාට සැලකිය යුතු කාර්යභාරයක් ඉටු කළ හැකි බව පාලක සභාගයේ ප්‍රධාන ක්‍රීඩකයින් විශ්වාස කරයි. ඒ අනුව රනිල් වික්රමසිංහ මහතා ජනාධිපතිවරයා සමග එකතු කර ගනිමින් අභ්‍යන්තරයේ ඇති වී තිබෙන අර්බුද මැඬලීම සඳහා ඔහුට රජයේ සැලකිය යුතු වගකීම් පැවරීම උපාය මාර්ගික වශයෙන් වැදගත් වනු ඇතැයි ආණ්ඩුවේ ඇතැමුන්ගේ අදහස වී තිබේ.
