Friday, September 30, 2022

ටිබෙට් කාන්තාවන්ගේ මානව හිමිකම් උල්ලංඝනය කිරීම් ගෝලීය අවධානයට

චීන පාලනයේ පවතින ටිබෙටයේ, කොමියුනිස්ට් මතවාදයට එරෙහි පෙළපාලියකට සහභාගී වීම ඇතුළු විවිධ අපරාධ සම්බන්ධයෙන් අත්අඩංගුවට ගන්නා දේශපාලන සිරකරුවන් අතර කාන්තාවන් සැලකිය යුතු සංඛ්‍යාවක් සිටින බැවින් ඔවුන්ගේ මානව හිමිකම් තත්ත්වය නරක අතට හැරී ඇති බවට වාර්තා පළවී තිබේ.

ටිබෙටයේ, චීන පාලනයට එරෙහි උද්ඝෝෂණයකට සහභාගීවීම හෝ දලයිලාමාගේ ඡායාරූපයක් ළඟ තබා ගැනීම හෝ චීන කොමියුනිස්ට් බලධාරීන් කෙරෙහි අකමැත්ත ප්‍රදර්ශනය කිරීම ඇතුළු දේශපාලන අපරාධ සම්බන්ධයෙන් මොවුන් අත්අඩංගුවට ගන්නා බව එරට වාර්තා පවසයි.

විශේෂයෙන්ම දේශපාලන අපරාධ සම්බන්ධයෙන් වරදකරුවන් වන සිරකරුවන්ට වධහිංසා පමුණුවා බන්ධනාගාරය තුළදී මිය යාමට පෙර ඔවුන්ව නිදහස් කිරීම චීනයේ සාමාන්‍ය සිරිතක් බවට ද චෝදනා එල්ල වී ඇත.

මීට පෙර අපේ‍්‍රල් මාසයේදී, ජිනීවාහි එක්සත් ජාතීන්ගේ මානව හිමිකම් විශේෂඥයින් හය දෙනෙකු ඒකාබද්ධ ප‍්‍රකාශයක් නිකුත් කරමින්, කාන්තා ගුරුවරියක් වන රින්චෙන් කී ඇතුළු ටිබෙට් ජාතිකයන් තිදෙනෙකු අත්අඩංගුවට ගැනීම, රඳවා තබා ගැනීම සහ අතුරුදහන් කිරීම සම්බන්ධයෙන් චීනයට වග කියන ලෙස බලකර තිබුණි.

2021 අගෝස්තු මාසයේදී ‘බෙදුම්වාදය ඇවිස්සීම’ යන චෝදනාව මත ඇය අත්අඩංගුවට ගනු ලැබුවේ, චිංහායි පළාතේ, ගොලොග් ප්‍රාන්තයේ ඩාර්ලාග් ප්‍රාන්තයේ, ටිබෙට් විද්‍යාලයක් බලහත්කාරයෙන් වසා දැමීමට විරෝධය දැක්වීම සඳහා උපවාසයක් පැවැත්වීමෙන් පසුවය.

Related Articles

LEAVE A REPLY

Please enter your comment!
Please enter your name here

Latest Articles